THUPHUANG 10:10 - Bawm Common Language Bible Version

¹⁰ Chun, a kut a mi lasuibuzualtê chu ka lâk le, ka ei hep le, ka kâ ah chun khuaizû hâwi hen a thlum le, ka dawlh nûnah lam chun ka pawsung chu a khâ tik rawh.

THUPHUANG 10:10 ပူးပေါင်းရင်းမြစ်များ

SAM 104:34

Ka la sak lakah a lâwm sele, amah thawk hen ka lâwm mi asi ruangah.

SAM 119:103

Na sîntirnâk thâwtnâk chu a thlum ngâk a; khuaitizû ngâk hen a thlum dauh!

SAM 19:10

Ngûn ṭha chem mi ngâk hen duh an kâi dauh. Khuaizû a tak chem mi ngâk hen a thlum dauh.

THUFING LASUIBU 16:24

Vêlneihnâk thu chu khuaitizû hâwi asi. Na tem chun a thlum lai le, na rangah ṭhiselnâk asi lai.

EZEKIEL 2:10

Chu lalsuibu zual chu kut nih a samh le, pat nih hen rîn mi ka muh, chunah chun ngaihsiatnâk ruangah ṭapnâk, lungfâknâk leh rûmnâk ti hen â rîn.

EZEKIEL 3:14

LALPA thiltikhonâk fâk tak ka lakah a hawng tlung le, a thlarau nih hawng ka put liauah ka lung si lo le, ka thinthawk.

EZEKIEL 3:3

Anih nih ka sinah, “Thikho mi minung, lasuibuzual kan pêk mi hi ei le; hi hen na paw khimtir,” hawng ka ti. Ka ei hep le, khuaitizû hâwi hen thlum tîk hen ka theih.

THUPHUANG 10:11

Chun, “Mi tam tak tla, phun tam tak tla, hawlh tam tak tla, lal tam tak tla sinah Pathian thuchah na phuang nawlh ding asi,” a hawng ka ti.

THUPHUANG 10:9

Chun, vânmifial sinah chun ka va kal le, a sinah, “Lasuibuzualtê kha hawng ka pêk me,” ka ti le, anih nih chun ka sinah, “Lâk le, ei hep, chun, na pawsung chu a khâtir lai le, na kâ ah lam chun khuaizû hâwi hen a thlum lai,’’ a ti.