THUPHUANG 10:1 - Bawm Common Language Bible Version

¹ Chun, vânmifial dang chak tak pakhat, sûm hen â thuam mi, vân thawk hen a hawng ṭum mi ka muh le, a lû ah chun chumchâ a kho le, a mêl chu nî hâwi asi le, a kê tla chu meizîk hâwi asi.

THUPHUANG 10:1 ပူးပေါင်းရင်းမြစ်များ

SAM 104:3

tî tlûnah na in chu na sak. Sûm tla chu kari hâwi hen na mang. Thli thla tlûnah na chuan.

SAM 97:2

Mûi leh sûm nih a kulh le; rep tak leh dik tak hen lâi a rêl.

EXODUS 16:10

Aron nih mi zapi sinah thu a sim liau chirah, ramkaro lei anna hawi le, LALPA chêu mitser rê hen sûm lakah a hawng lang.

LA TLA LA 5:15

A êl tla chu alasbaster tung ngûn tâwbala lakah toh mi hâwi asi. Lebanon tlângah sidar insâng hâwi hen a rokual.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 54:9

“Noa um liau khawm ah tual tlûnah buanso tlungtir lo rawh ding hen thu ka tiamh. Tu khawm ah na lakah thinrun lo rawh ding hen thu ka tiam; nunsimh hen ka nan rêp lai lo rawh.

LUNGFÂKNÂK 3:44

Thinthawknâk vândâwm a sah tuktarâi ruangah kan thlachamnâk nih a tâwn kho lo.

EZEKIEL 1:28

Chu chêu mitser rê mi nih chun LALPA a um mi a zauhtir.

DANIAL 10:6

A taksa chu lungsung hâwi hen a chêu. A mêl chu mîmthlalek hâwi hen a chêu, a mit tla chu mei hâwi hen a chêu. A kut leh a kê chu dâr a tlêu mi hâwi asi le, a hâu chu zapi tam tak hâu hâwi asi.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

LEVITICUS 16:2

“Na unaupa Aron chu tuhin Mun Thenhlimh Chem ah puanzâr pîn leiah a kal ding hen a tik tak ah a kal ding asi ti simh, Thudântuk Bâwm sinh tlûnah sûm lakah ka langh ruangah. A ngâilo chun thah asi lai.

MATHAI 17:2

An mâika ah chun a mêl umzia chu a hawng a dang rawh. A mêl chu nî hâwi hen a hawng chêu le, a nipuan tla chu chêu hâwi hen a hawng vâr rawh.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

THILTI 26:13

Aw Lalchem, ka kal liauah nî sûn liau chirah vân thawk hen chêu zeimawh nî ngâk hen chêu dauh, keimah leh ka kalpi mi tla kiangah chêu ka muh.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 18:1

Chu nûn chun, vânmifial dang thuneihnâk fâk tak nei hen vân thawk hen a hawng ṭum mi ka muh le, a rokualnâk nih chun tual a cherh hep.

THUPHUANG 18:21

Chun, vânmifial rokual tak nih lung lianpi, fângrialnâk tî ah mi a sar le, tisumsumriat ah a lawnh le “Babulon khua rokual chu hi hâwi hen fâk tak hen lawnh asi lai le, âukhawm nih an muh nawlh lai lo rawh,” a ti.

THUPHUANG 20:1

Chun, vânmifial, khurtawdawnglo renh leh chikchîn lian tak put hen, vân thawk hen a hawng ṭum mi ka muh.

THUPHUANG 4:3

A mêl chu Jaspar leh sardonik lung hâwi ko hen a lang le, chunah chun laltophah kiangah chumchâ, emeral lung hâwi mi hi a kho.

THUPHUANG 5:2

Chun, vânmifial chak tak, aw-hâu fâk tak hen, “Âu me lasuibuzual hi kêu hen a singsiahnâk tla samh tlâktu um?” ti hen a âu mi ka muh.

THUPHUANG 8:13

Chun, ka zauh le, mupi vân lâiah a zuang mi nih, aw-hâu fâk tak hen “Vânmifial pathum an tâwtawrâwt tum hâu hawng um ding mi ruangah, tual ah an um mi tla tlûn a pit! a pit! a pit!” a ti mi ka theih.