THUPHUANG 1:7 - Bawm Common Language Bible Version

⁷ Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 1:7 ပူးပေါင်းရင်းမြစ်များ

JOB LASUIBU 33:26

thla a cham tikah, Pathian nih a sâng lai le, Pathian chu lâwm bû hen a sawnh lai le, Pathian nih a rangah thil zeizawng dik tak hen a ruat piak nawlh lai.

SAM 22:16

Misual murui nih ui râng tla hâwi hen an ka kulh le, an ka naih; ka kut leh kê an sâm ver.

SAM 68:1

Pathian chu a thawk le, a mêlma tla a rektir phin na. Amah huatu tla chu neh hen an tek phin.

SAM 97:2

Mûi leh sûm nih a kulh le; rep tak leh dik tak hen lâi a rêl.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

NAHUM 1:3

LALPA chu a thinthawk sawm lo le, sikhawmsele thil a ti kho hen misual chu rêp lo hen a siah na lo. LALPA kalnâk ah chun thlipi a râng le, a kê hen valeidip chu sûm hâwi hen a zâmtir!

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

ZEKARIA 12:11

Chu tikah Jerusalem ah lungfâknâk chu Megido phâi ah Hadadrimon ruangah an lungfâk mi hâwi tluk hen an lung a fâk lai.

NUMBER 24:17

Mâilei thil um ding mi ka zauh le, Israel phun ka muh. Lalchem ârfi chêu tak hâwi hen Chu phun lakah mi a hawng suak lai. Israel thawk hen ârfi zuang hâwi hen a hawng kal lai. Moab ruitu tla chu a vuak na lai le, Seth mi tla zawzawng chu a thlûk phin lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MARK 13:26

Chu tikah chun Minung Fapa hi thiltikhonâk fâk tak leh rokualnâk fâk tak hen sûm lakah a hawng kal mi an muh lai.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

JOHAN 19:34

Sikhawmsele, kawrsen tla lakah minung pakhat nih a nâk ah fei hen a sunh le; chun thisen leh tî a suak sawm rawh.

JOHAN 19:37

Chun, Pathian lasui thudang nih, “An sunhnâk chu an zauh lai,” a ti nawlh.

1 THESALONIKA 4:17

chu nûn chun kannih nung a um rih mi tla hi boruak ah Lalpa dawng ding hen amah rual ah sûm tla lakah khin lâk hen kan um lai; chun, zungzâl hen Lalpa sinah kan um lai rawh.

HEBRAI 10:29

Pathian Fapa zei siarlo hen, thudântuk thisen amah thenhlimhtirnâk chu thil salam a ruat hen zângfahnâk thlarau vûirâmtirtu tla chu zei hâwi tluk rêpnâk fâk dauh tuar tlâk siding hen me nan ruat?

HEBRAI 6:6

chun chu nûnah chun an tlû rawh! Chubang hâwi mi tla chu rim nawlh ding hen kîrtir nawlh kho an si loh, Pathian Fapa chu Kraws ah khenhbêk nawlh leh zatlâng lakah an mualphoh ruangah.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!

THUPHUANG 22:4

Chun, a mêl an muh lai le, an chal ah a min rîn asi lai.

LÂIRÊL 5:31

LALPA, na mêlma tla chu chu hâwi hen thi hep na seh, Sikhawmsele, na hâwi tla lam chu nî a hawng suak mi hâwi hen chêu na seh! Churawhchun, ram chu thlangam tak hen kum sâwmli ding a um.