THUPHUANG 1:6 - Bawm Common Language Bible Version

⁶ a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 1:6 ပူးပေါင်းရင်းမြစ်များ

EXODUS 19:6

Ka sin cho ah â pêk mi minung nan si, bâwlpu tla hâwi hen ka rian nan ṭuan lai,” a ti na.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 5:11

Amah sinah chun thiltikhonâk chu zungzâl hen um seh: Amen.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 20:6

Hi thawknawlhnâk masa chem ah a tel mi tla chu an thaw suak hen anna thenhlimh asi, chubang tla tlûnah chun thih nihnâk nih thu rerêng a nei lai lo le, Pathian leh Krist bâwlpu tla an si lai le, amah hen kum sâng khat lâi an rêl lai.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.