THUPHUANG 1:4 - Bawm Common Language Bible Version

^4-5 Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 1:4 ပူးပေါင်းရင်းမြစ်များ

SAM 90:2

Laikulh leh tlâng tla na siam lân khawm ah nang chu zungzâl Pathian leh um kumza mi Pathian na si.

EXODUS 3:14

Pathian nih, “Keimah kasi a ti mi kha kasi, a ti. ‘Keimah kasi titu nih nan sinah hawng ka fial asi, na ti ding asi,” a ti.

ISAI 11:2

LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

ZEKARIA 3:9

Josua mâika ah lung pakhat pat sarih nei mi ka siah, chu lakah chun thu ka rîn lai le, ni khat kar lakah hi ram ah sual chu ka lâk phin lai.

ZEKARIA 4:10

Mâilei fûknâk tâwmtê asi ruangah an lung a dawng, sikhawmsele Zerubabel nih Biakin a sak vima mi chu an muh lai le, anna lâwm lai rawh,” a ti. Vânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti. 10bVânmifial nih ka sinah, “Khâwnvâr pasarih chu LALPA mit pasarih, laikulh zawzawng muhtu chu asi,” a ti.

ZEKARIA 6:5

Anih nih a sâng le, “Hi bang tla hi thli pali an si. Laikulh pumpi LALPA mâika thawk hen hawng mi an si,” a ti.

JOHAN 1:1

A tîr ah Thu a um, Thu chu Pathian sinah a um; Thu chu Pathian asi.

THILTI 19:10

Chu hâwi karo hen kum nih tiang a ti le, chun, Asia ram ah um mi zawzawng Juda tla leh Greek tla khawm nih Lalpa thu an theih rê asi.

THILTI 2:9

A zeimaw mi chu Parthian phun tla, Media phun tla, Elamitai phun tla kan si le; zeimaw mi chu Mesopotamia ram ah um mi le, Juda ram ah um mi tla, Kapadokia ram ah um mi tla, Ponto leh Asia ram ah um mi tla,

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

1 KORIN 1:3

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

2 KORIN 1:2

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

HEBRAI 13:8

Jisu Krist chu mazân khawm, tusûn khawm ah leh kumleza hen a mahmun hen a um kumza.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 16:5

Chun, vânmifial tî tlûnah thuneitu nih chun, “Nang Mi Thenhlimh, a um rawh mi leh a um liau mi, na lâirêl tla chu a dik asi,

THUPHUANG 2:12

“Chun, Pergamos khua kawhmi, vânmifial sinah chun rîn rawh: “Nâmsâu hâr nih nei mi nih khan hi bang thu hi a sim asi.

THUPHUANG 2:18

“Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:8

Chun, kei Johan, hi bang thil zawzawng muhtu leh theihtu chu kasi. Chun, chubang thil tla ka muh hen ka theih rawh chun, a hawng ka zauhtirtu vânmifial chu sawnh ding hen a kê bulah ka bawkbukhup rawh.

THUPHUANG 3:1

“Sardis khua kawhmi vânmifial sinah chun rîn rawh: “Pathian Thlarau pasarih leh ârfi pasarih neitu nih khan hi thu hi a sim asi: Na thilti tla chu ka theih, thi ko bû hen nung min na put mi hi ka theih asi.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 4:5

Chun laltophah thawk hen chun, mîmthlalek tla, aw-hâu tla, khuari tla chu ri urmar hen a hawng suak. Chun, meifâr pasarih laltophah mâika ah chun a alh le, chu tla chu Pathian thlarau pasarih tla chu an si.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.

THUPHUANG 8:2

Chun, Pathian mâika ah vânmifial pasarih an dîr mi ka muh le, an sinah chun tâwtawrâwt pasarih an pêk na.