THUPHUANG 1:20 - Bawm Common Language Bible Version

²⁰ ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 1:20 ပူးပေါင်းရင်းမြစ်များ

EXODUS 25:37

Meichêu lakah chun meichêu pasarih siam le, mâilei a cherh kho ding hen.

EXODUS 37:23

Chu meichêu chu pasarih hen a siam, a châicheh leh vachâm siahnâk chu ngûn karo asi.

ZEKARIA 4:2

“Zei na muh?” ti hen hawng ka deih. Kei nih ka sâng le, “Khâwnvâr ngûn hen siam mi, a pâr ah a hâng siahnâk khêng um mi, khâwnvâr pasarih a mun pasarih seng siah mi,

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

LUK 8:10

Chun, anih nih chun, “Pathian Ram thu thup tla chu nannih theih lam chu siang asi le, midang sinah lam chun tahṭhimh thu cho hen sim asi; ‘muh khawmsele, muhlo an si khonâk ding hen, nâ hen theih khawmsele, a ngaihtawnh dân an theih lonâk ding hen.’ ”

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:16

A vawrhlei kut hen ârfi pasarih a put le; chun, a kâ thawk hen nâmsâu hâr nih nei a suak le, a mêl chu nî sûn liau hâwi hen a chêu.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.

THUPHUANG 17:7

Chun, vânmifial nih chun ka sinah, “Zei rangah chê na ti? Nunau leh a phurhtu sarâng, lû pasarih leh ki parâ a nei mi thuthup chu ka nan simh lai.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 2:12

“Chun, Pergamos khua kawhmi, vânmifial sinah chun rîn rawh: “Nâmsâu hâr nih nei mi nih khan hi bang thu hi a sim asi.

THUPHUANG 2:18

“Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.

THUPHUANG 2:5

Churuangah, na tlûk khalh rawh mi kha theihkumza le, rim hen thilti masa chem kha ti nawlh rawh; chu lo chun na sinah ka hawng lai le, na rim lo chun na meichêu kha a mun ah mi ka ṭhial ving lai.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 3:1

“Sardis khua kawhmi vânmifial sinah chun rîn rawh: “Pathian Thlarau pasarih leh ârfi pasarih neitu nih khan hi thu hi a sim asi: Na thilti tla chu ka theih, thi ko bû hen nung min na put mi hi ka theih asi.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.