THUPHUANG 1:18 - Bawm Common Language Bible Version

¹⁸ a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 1:18 ပူးပေါင်းရင်းမြစ်များ

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

JOB LASUIBU 38:17

Laikulh thihnâk kawtkâ vêng chu âutal nih an zauhtir rawh ma?

SAM 18:46

LALPA chu a nung! Hawng ka vêngtu chu sawr u! Ruang hawng ka suahtu Pathian rokualnâk chu phuang u!

SAM 68:20

Kan Pathian chu ruangsuahtu Pathian asi; amah chu LALPA, thihnâk ah mi hawng kan humtu kan LALPA a si.

ISAI 22:22

David thlâk lalchem tangah thuneihnâk rangtling ka pêk lai. Rianṭuannâk in renh a nei lai le; â awng rawh mi chu âukhawm nih a khâr lai lo rawh le, â khâr rawh mi chu âukhawm nih a awng lai lo rawh.

MATHAI 11:23

Chun, nang Kapernaum, vân tiang hen chawnglawmh na si awt mazei? Mithi khua tiang hen na kal awt asi. Nangmah lakah thilchê tak ti mi tla kha Sodom ah ti mi si sele, tutiang hen a um kumza lai.

MATHAI 16:19

Vân Ram renh tla ka nan pêk lai le, tual tlûnah zeizawng na khap mi vial vân ah khap asi lai; tual tlûnah zeizawng na phal mi vial vân ah phal asi lai,” a ti le, a sâng.

LUK 24:5

chun, an ṭih le, an mêl tual tawngh rê hen an kûn liauah annih nih chun an sinah, “Zei rangah mithi lakah a nung mi nan hâwl?

JOHAN 11:25

Jisu nih a sinah, “Kei hi thawknawlhnâk leh nungnâk chu kasi, âuzawng hawng ka zumhtu chu thi khawmsele a nung kumza lai;

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

ROM 6:9

a thi nawlh awtlo rawh ti kan theih; thihnâk nih chun amah tlûnah thu a nei lo rawh.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

KOLOSA 3:3

Nan thi rawh le, nan nungnâk chu Pathian lakah Krist sinah thuh hen a um rawh ruangah.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 7:16

nungnâk thiltikhonâk dawngh nei lo hâwi hen siam si dauh mi a hawng um awt chun kan thusim kha thungâi hen a fiang khun lai.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

THUPHUANG 10:6

zungzâl hen a um kumza mi Pathian min chu sâl hen, “Hun a tlâi lai lo rawh,

THUPHUANG 15:7

Chun, thilnung pali lakah pakhat nih chun, vânmifial pasarih tla sinah, zungzâl hen a nung kumza mi Pathian thinthawknâk hen a khat mi ngûn berhbu pasarih a pêk na.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 20:13

Chun, tisumsumriat nih a sungah mithi tla chu a suah le, thihnâk leh mithi khua tla khawm nih an sungah mithi tla chu an suah le, an ektê hen an thilti hâwitê hen lâirêl piak hen an um.

THUPHUANG 20:14

Thihnâk leh mithi khua tla chu meizur ah an lawnh rawh. Chu chu thih nihnâk chu asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 5:14

Chun, thilnung pali tla nih chun, “Amen,” ti hen an sâng le, upa tla khawm nih bawkbukhup hen an mâimûk rawh.

THUPHUANG 6:8

Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.

THUPHUANG 9:1

Chun, vânmifial panganâk nih chun a tâwtawrâwt a tum le, ârfi pakhat vân thawk hen tual ah a tlâ mi ka muh le, vânmifial sinah chun khurtawdawnglo renh chu an pêk rawh.

1 SAMUEL 2:6

LALPA nih a thah le, a nunh nawlh rawh. Mi tla chu laikulh thihnâk ah a kaltir le, a hawng kîrtir nawlh na.