THUPHUANG 1:17 - Bawm Common Language Bible Version

¹⁷ Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

THUPHUANG 1:17 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

SAM 139:5

Ka kiangkam zawzawngah na um hep; na thiltikhonâk hen na ka hum.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

EXODUS 20:20

Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:4

Hi hi âunih a tlungtir? Hi thâwngthâng hi âunih a tum mi me si? Kei, LALPA chu a tîr thawk hen um mi kasi le, a dawnghnâk khawm ah kei LALPA ber kasi lai.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

LUNGFÂKNÂK 3:57

Na ka sâng le, ṭih lo ding hen na ka simh.

EZEKIEL 1:28

Chu chêu mitser rê mi nih chun LALPA a um mi a zauhtir.

DANIAL 10:12

Churawhchun, anih nih “Danial, ṭih lah, Pathian nih theih ding duh hen nâu tak hen a ni khat ni ah thla na cham mi kha Pathian nih a theih le, na thlachamnâk sâng ding hen hawng mi kasi.

DANIAL 10:15

Hi thu a sim liau hin hawlh lo thlo hen tual lei ka zauh.

HABAKUK 3:16

Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

MATHAI 14:27

Sikhawmsele, Jisu nih anmah a sawnh sawm na rawh, “Lungngam tak hen um u, keimah kasi, lâu lah u,” a ti.

MATHAI 28:4

Amah an ṭih ruangah vêngtu tla chu an thir le, a thi mi hâwi hen an um rawh.

MATHAI 28:5

Chun, vânmifial nih chun nunau tla chu a sawnh na le, an sinah, “Nannih nih chun ṭih lah u, Jisu an khenh mi kha nan hâwl ti ka theih.

JOHAN 13:23

Chun, a ṭhiruai tla lakah pakhat, Jisu nih a dâwt mi chu, dawhkân sîrah Jisu sang hen a to.

JOHAN 21:20

Chun, Peter chu â hawi le, Jisu nih ṭhiruai a dâwt mi, zânriah ei liauah a ṭâng ngenh hen a um le, “An tleihtirtu ding chu âu me si?” titu nih khan, a hawng zûl mi a muh.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 22:13

Kei Alpha leh Omega, a masa chem leh a madung chem, a bul leh a dawng kasi,’’ a ti.