THUPHUANG 1:12 - Bawm Common Language Bible Version

¹² Chun, a hawng ka sawnhtu chu muh ding hen kâ her le, chun, ngûn meichêu tung sarih ka muh.

THUPHUANG 1:12 ပူးပေါင်းရင်းမြစ်များ

EXODUS 25:37

Meichêu lakah chun meichêu pasarih siam le, mâilei a cherh kho ding hen.

EXODUS 37:23

Chu meichêu chu pasarih hen a siam, a châicheh leh vachâm siahnâk chu ngûn karo asi.

MIKAH 6:9

LALPA ṭih chu fingnâk asi. Khuapi a auh le, “Nannih khuapi ah a pûmtu tla, ka thu ngâi u!

ZEKARIA 4:2

“Zei na muh?” ti hen hawng ka deih. Kei nih ka sâng le, “Khâwnvâr ngûn hen siam mi, a pâr ah a hâng siahnâk khêng um mi, khâwnvâr pasarih a mun pasarih seng siah mi,

THUPHUANG 1:13

Meichêu tla lakah chun, minung hâwi, a kê pâr tiang hen puan â aih le, a ir ah ngûn ri hen â sâwm mi ka muh.

THUPHUANG 1:19

Chuvachun, na thil muh rawh mi tla leh thil um liau leh thil hawng um ding mi thu tla chu rîn rawh;

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.