THUPHUANG 1:1 - Bawm Common Language Bible Version

¹ Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 1:1 ပူးပေါင်းရင်းမြစ်များ

SAM 25:14

LALPA chu amah thu ngâitu rangah chun an hâwikawmh asi le, an sinah a dân thu chu a birhtir.

DANIAL 8:16

Ulai Tiva tlûnlei ah chun aw-hâu ka theih le, “Gabriel, kha minung nih a muh mi kha simhfiang,” a ti.

DANIAL 9:21

Thla ka cham liau chirah a lânah langhnâk ah ka muh mi Gabriel chu, zuang hen ka umnâk ah a hawng. Zânlei bâwl tik asi.

DANIAL 9:23

Pathian sinah na ngiar mi chu na dawmh liauah an sâng vima rawh. A nan dâwt le, churuangah a sângnâk a nan simh ding hen ka hawng mi asi. Langhnâk ka simhfiang mi chu tuah ngâi set.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

JOHAN 12:49

Keimah phuak sawm hen ka sim lo; Pa hawng ka fialtu nih ka sim ding leh ka ruat ding hi, thu hawng ka pêk dauh asi.

JOHAN 15:15

To-aw ka nan ti na lai lo rawh; a pu thilti to-aw nih a theih lo. Hâwi tla ka nan ti dauh na rawh; Pa sinah thil ka theih mi zawzawng nan sinah ka phuang rawh ruangah.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 3:32

A muh leh a theih mi zawng a theihtir tâwn asi, âukhawm nih a thu theihtirnâk an pawm lo.

JOHAN 8:26

Nannih thu lakah hin thil tam tak sim le ruat ding ka nei; zeikhawm si sele, hawng ka fialtu chu mi dik tak asi; a sinah thu ka theih mi vial laikulh sinah ka simh,” a ti.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

GALATIA 1:12

Minung thawk hen ka tawng mi asi lo, mi nih sîntir mi khawm kasi lo, Jisu Krist langhnâk ruangah tawng mi kasi dauh.

EPHESI 3:3

Kha hâwi hen thuthup chu theihtirnâk ah theihtir hen ka um kha, a lânah tâwi tek hen ka rîn mi hâwi thu kha;

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

THUPHUANG 1:19

Chuvachun, na thil muh rawh mi tla leh thil um liau leh thil hawng um ding mi thu tla chu rîn rawh;

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 17:1

Chun, vânmifial pasarih, berhbu pasarih puttu lakah pakhat chu ka sinah a hawng le, “Hawng le, nunau â zuar mi minthang tak rêp ding mi, tiva tam tak kiangah khuapi rokual tak chu ka nan zauhtir lai.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.

THUPHUANG 21:2

Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:6

Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.

THUPHUANG 22:8

Chun, kei Johan, hi bang thil zawzawng muhtu leh theihtu chu kasi. Chun, chubang thil tla ka muh hen ka theih rawh chun, a hawng ka zauhtirtu vânmifial chu sawnh ding hen a kê bulah ka bawkbukhup rawh.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.

THUPHUANG 5:7

Chun, Dawrâ Fa chu a va kal le, laltophah ah a to mi kut vawrhlei mi lasuibu chu a lâk rawh.