SAM 99:3 - Bawm Common Language Bible Version

³ A min rokual leh zah a kâinâk chu mikip nih an sawr lai. Amah chu a Thenhlimh asi!

SAM 99:3 ပူးပေါင်းရင်းမြစ်များ

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

NEHEMIAH 4:14

Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

NEHEMIAH 9:32

“Pathian, kan Pathian, nang chu na rokual châwk a! ṭihnung khawm na kai! Thil khawm na ti kho ngâk! Na thutiam lakah zumhkâi tak hen na um. Asiria lal tla nih hawng kan nehsawhnâk hen tutiang thungâi kan tuar! Kan lal tla, hawng kan ruitu tla, kan bâwlpu leh khuavâng tla, hawng kan thlâktu leh mi zawzawng nih kan tuar! Kan tuar fâk dân tla hi theihkumza rawh!

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 100:4

Biakin kawtkâ ah lâwmthusim bû hen lût u, sawr bû hen a Biakin kulh sungah chun lût u. A sinah lâwmthusim hen amah chu sawr u.

SAM 103:1

Ka thlarau, LALPA chu sawr rawh! Ka pumpiluk, LALPA min thenhlimh chu sawr rawh.

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 145:17

LALPA chu a thilti zawzawngah â rep le, a thilti zawzawngah khua a ruat.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

SAM 76:1

Juda ram ah Pathian chu, theih hen a um le, Israel ram ah a min chu zah hen a um.

SAM 76:12

anna zûm mi lal fapa tla a nâutir na le, lal rokual tla a ṭhih na.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JOHAN 17:11

Chun, kei lam chu laikulh ah ka um lai lo rawh, hi bang tla lam chu laikulh ah an um, kei na sinah ka hawng awt rawh. Pa Thenhlimh, nangnih kei na ka pêk mi tla hi na min hen hum rawh, pumkhat ansi khonâk ding hen, kanmah pumkhat kan si hâwi hen.

DEUTERONOMY 28:58

“Pathian sîntirnâk lasuibu lakah a rîn mi zawzawng zumhkâi tak hen nan zûl lo hen leh LALPA nan Pathian min zahkâi leh chê tak nan zah lo chun,

DEUTERONOMY 7:21

Churuangah hi minung tla hi ṭih na lah u. LALPA nan Pathian nan sinah a um; amah chu Pathian rokual leh ṭih ding mi chu asi.

JOSUA 24:19

Josua nih zapi tla sinah, “Sikhawmsele, LALPA rian nan ṭuan kho ding asi lo. Pathian thenhlimh asi, nan sualnâk a ngaihdam ding asi lo, dotu chu a sâithiam lo.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.