SAM 85:9 - Bawm Common Language Bible Version

⁹ Amah zahtu tla chu hum ding hen â tîm kumza, kan ram ah hin ruangsuah ding hen hawng kan umpi kumza lai.

SAM 85:9 ပူးပေါင်းရင်းမြစ်များ

SAM 119:155

Misual tla chu na dân thu an zûl duh lo ruangah ruangsuah hen an um lai lo.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

ISAI 4:5

Churawhchun, Zion Tlâng leh chunah anna pûm mi zawzawng tlûnah chun LALPA nih sûn nî tangah sûm leh zân ah meikhû leh meialh chêu tak a hawng fial lai. Chu khuapi chu Pathian rokualnâk nih a tuam hen a hum lai.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

JEREMIA 23:35

Chu ngâk chun mikip nih a hâwi tla mawh a unau tla mawh sinah, ‘A sângnâk ah LALPA nih zei a ti? LALPA nih zei a sim?’ an ti lehlam ding asi.

JEREMIA 23:37

Jeremia nih, khuavâng tla chu, LALPA nih zei hâwi hen an sâng na ne? LALPA nih zei a ti?’ ti hen deih na.

JEREMIA 29:11

Nan rangah ka thiltum tla siat leh râwknâk um lo hen sul-le-lam tluang tak hen kalpi kan tum na mi leh mâilei ah nan lungum mi thu lakah an kalpi na ding ka tum mi thu chu keimah cho nih ka theih.

EZEKIEL 26:20

A lânah mi tla sinah laikulh thihnâk ah ka nan kaltir awt. A lânah thi rawh mi murui sinah um rawh ding hen zungzâl siat leh râwknâk mun tual tangah ka nan umtir awt. Na sual man chu minung ram ah na mun na luah hen na um nawlh ding asi lo rawh.

EZEKIEL 3:10

Pathian nih a sim vima le, “Thikho mi minung, nâi tek hen hawng ngâi le, thil zeizawng ka nan simh mi theihkumza rawh.

HABAKUK 2:1

In sâng râl chuanhnâk ah ka kâi lai le, LALPA nih a sinah thu ka tlunh mi ruangah zei hâwi hen hawng ka sâng awt ka va ngâichâng nik lai.

ZEKARIA 2:5

LALPA nih, chu khuapi chu vêng ding hen amah ngelchel chu kulh dak hen mei kulh vâm hâwi hen humtu si hen, a rokualnâk zawzawng hen ka um awt ti hen a tiamh,” a ti.

ZEKARIA 2:8

Nannih vuaktu chu ka thil neih sung chem vuaktu asi,” a ti. LALPA Zeizawng tikho nih chun a mi tla rûntu phun tla sinah hi thuchah hi sim ding hen hawng ka fial.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 13:16

Chun, Pawl chu a dîr le, a kut a vei le, a sim: “ Israel mi tla leh Pathian ṭihtu tla, ngâinik u.

1 SAMUEL 3:9

Churawhchun, a sinah, “Na ihkhun ah va kîr le, a nan kawh nawlh chun, ‘LALPA, thu sim rawh, na to-aw nih ka ngâi ko,’ ti rawh,” a ti. Churawhchun, Samuel chu a ihkhun leiah a kîr nawlh rawh.