SAM 83:18 - Bawm Common Language Bible Version

¹⁸ Nangmah cho chu LALPA leh tual ah lâirêltu lian na si ti an theihnâk ding hen.

SAM 83:18 ပူးပေါင်းရင်းမြစ်များ

GENESIS 22:14

Abraham nih chu mun chu “Jehova-Jire’’ (LALPA nih a ruat) a ti. Tu tiang hen mi le tla nih, “LALPA nih a tlângah a ruat,” an ti.

1 Lal 18:37

LALPA, hawng ka sâng rawh, LALPA hawng ka sâng rawh. Hi bang minung tla nih hin nang chu LALPA Pathian na si zia leh nangmah leikângah na kawh na nawlh ti an theih khonâk ding hen,” a ti.

2 Lal 19:19

LALPA, kan Pathian, tuah Asiria tla lakah mi chu hawng kan hum rawh, laikulh phun zawzawng nih nangmah cho LALPA Pathian na si ti an theih khonâk ding hen,” a ti.

SAM 18:13

LALPA nih vân thawk hen hâu a suah le, Chungnungchem hâu chu theih hen a um.

SAM 35:4

Thah ding hawng ka tumtu tla chu neh leh ningzak saih hen um na seh. Hawng ka dotu tla chu kîr hen zâm na seh!

SAM 59:13

Siatbarh hen âwkrâwl an sim ruangah, na thinthawknâk hen veih na le, veih hep na. Churawhchun, mi zawzawng nih Pathian nih Israel lakah lâi a rêlnâk nih tual zawzawng a khat ti an theih lai.

SAM 9:16

LALPA amah ngelchel chu a lâirêl repnâk nih a langhtir le, misual tla chu anmah thilti nih a awh na.

SAM 9:2

Nangmah ruangah lâwm hen la ka sak lai. Thil zeizawng tikho Pathian na sinah sawrnâk la ka hawng sak lai.

SAM 92:8

LALPA, nang chu zungzâl rangah lâirêltu sâng tak na si kumza ruangah.

SAM 97:9

LALPA, Zeizawng tikho, nang chu tual zawzawngah Lâirêltu na si; pathian zawzawng ngâk hen na lian ving.

EXODUS 6:3

Abraham, Isak leh Jakob sinah Pathian zeizawng tikho si hen ka langh le, sikhawmsele, LALPA keimah min hen thenhlimh tak hen chun an sinah ka theihtir lo.

ISAI 42:8

“Keimah cho hi LALPA na Pathian kasi. Pathian dang tla nih ka rokualnâk anna ting ding asi lo; milem tla chu keimah sawrnâk ka tingtir na awtlo.

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

JEREMIA 16:21

Churuang chun LALPA nih, “Zeiliau zawng ah, phun zawzawng chu ka thiltikhonâk leh ka chaknâk ka theihtir na lai le, LALPA kasi ti an theih lai,” a ti.

EZEKIEL 30:19

Hi hâwi hen Aigupta ka rêp tikah chun LALPA kasi ti an theih lai rawh,” a ti.

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

DANIAL 4:25

Minung thawk hen nar hen na um lai le, ramsa lakah na um lai, kum sarih sung chu chawchal hâwi hen belh na ei lai le, lêng ah dâm tlâknâk ah na it lai, churawhchun Pathian rokual nih lalram tlûnah thu a neih zia leh a duh mi sin zawng ah a pêk kho ti na theih lai rawh.

DANIAL 4:32

Minung thawk hen nar na si lai le, ramsa hen mun khat hen nan um lai le, chawchal tla hâwi hen kum sarih kar belh na ei lai, chu tikah Pathian rokual nih minung lalram tlûnah thu a neih zia leh a duh mi âu sin zawng ah a pêk kho ti na theih lai,” a ti.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

ZEKARIA 4:14

Churawhchun, anih nih, “Hi minung panih hi LALPA nih laikulh pumpi ah amah rianṭuantu ding ah sariak a thuh na hen a thîm na mi chu an si.”