SAM 81:3 - Bawm Common Language Bible Version

³ Thlalâi leh thladêt liauah puai rangah tâwtawrâwt tum u.

SAM 81:3 ပူးပေါင်းရင်းမြစ်များ

2 Lal 4:23

A pasal nih, “Zei rangah tusûn ni ngelchel ah na kal awt Thla Thar kût leh Sabbath ni khawm asi lêm lo mi,” a ti.

1 CHRONICLES 15:16

David nih Levi hotu tla chu Levi dang tla sinah la saktu ding leh tumphung ṭingṭang leh chêngchêng tumtu ruat na ding hen a simh na.

1 CHRONICLES 16:42

Sawrnâk la sak liauah tâwtawrâwt leh chêngchêng leh thildang tumtu lakah hotu ding hen Heman leh Jeduthun chu ruat an si. Jeduthun chi tla chu kulh kawtkâ vêngtu ding ah ruat an si.

1 CHRONICLES 16:6

Bâwlpu panih Benaiah leh Jahaziel chu khuah tak hen Thudântuk Bâwm mâi ah tâwtawrâwt tumtu an si.

1 CHRONICLES 25:1

Lalchem David leh Levi lakah ruitu tla nih Pathian sawnhnâk ah ruitu ding hen Levi chi lakah hi bang tla hi an thîm na: Asap, Heman leh Jeduthun. Chu tla nih Pathian thu an phuang le, ṭingṭang leh chêngchêng tumtu tla nih an zulh na. Hi bang hi Pathian sawnhnâk ah ruitu ding ah thîm mi tla leh murui kip rianṭuan theihtirnâk chu asi:

2 CHRONICLES 13:12

Pathian tak chu hawng kan ruitu asi le, a bâwlpu tla khawm hinah kan sinah tâwtawrâwt hen an um le, nanmah do ding hen râltuk ding ah kawhnâk tum ding hen râlring zet hen an um. Israel mi tla, nan thlâktu tla LALPA Pathian chu do lah u! Nan neh ṭung lai lo!” a ti na.

2 CHRONICLES 13:14

Juda tla nih an kiangkam an zauh le, an kulh hep na rawh ti an muh. Ṭangpi sâwm hen LALPA an auh le, bâwlpu tla nih an tâwtawrâwt an tum.

2 CHRONICLES 2:4

LALPA ka Pathian rokualnâk ding hen Biakin ka sak liau asi. Chu chu kei leh ka mi le tla nih amah kan sawnhnâk ding hen mun thenhlimh asi lai le; chunah chun rimthâw tla duah hen, sangtlêp thenhlimh tla ap hen, zîngsiar leh zânsiar thil ap duah mi tla pêk ding hen Dinhni tla, Thla Thar Kût ni tla, leh LALPA kan Pathian ni thenhlimh ah amah rokualtirnâk ding hen, Israel mi tla chu hi bang ti kumza ding hen thu a pêk na.

2 CHRONICLES 8:13

Ni thenhlimh ni kip ah Mosi dân ah a herh zia hâwi vima hen duah mi thil chu a ap: Dinhni, Thla Thar Kût, kum siar hen kût pathum, Sang Thilnu Telhlo Kût, Fângzûn Kût, leh Basâ Kût tla an si.

SAM 149:3

Lâm hen a min chu sawr u; amah sawrnâk ding hen khuang leh ṭingṭang tum u.

SAM 33:2

Ṭingṭang hen LALPA sinah lâwmthu sim ule, tumphung ri nei hen a sinah la sak u.

SAM 98:6

Tâwtawrâwt leh ki tla tum u, LALPA, kan lalchem sinah lâwm hen âu u.

LUNGFÂKNÂK 2:6

Amah kan sawnhnâk Biakin chu a mântir dip le, Ni thenhlimh leh Dinhni tla chu a dawngtir rawh. Lalchem leh bâwlpu tla nih a thinthawknâk chu bang cho hen an tuar.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

NUMBER 15:3

Chawchal, dawrâ chal, dawrâ mawh kêl mawh LALPA sinah duahphung thil ap mawh, thutiam lîm bâwlnâk mawh, mah duh thu hen thil ap mawh, nan phung kût nan nei kumza mi thil ap rangah mawh nan pêk kho; chubang hâwi eiphung thil ap rim nih LALPA a lawmhtir.

NUMBER 28:11

Thla bul kip ah duahphung thil ap LALPA sinah pêk ding asi: chawchal panih, dawrâ chal pakhat, dawrâ fa kum khat mi a mipa pasarih simsâwinâk kawplo mi pêk ding asi.

DEUTERONOMY 16:15

Sawnhnâk mun pakhat ah hi kût hi LALPA nan Pathian zahnâk ding hen ni sarih ulh u. LALPA nih nan fângzûn leh nan rianṭuan mal a sâwm ruangah a lâwm u.

KOLOSA 2:16

Chun, ei thu ah mawh, din thu ah mawh, kût ni thu ah mawh, thla thar thu ah mawh, Dinhni thu ah mawh âukhawm nih an simsâwi lah na seh;