SAM 76:7 - Bawm Common Language Bible Version

⁷ Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

SAM 76:7 ပူးပေါင်းရင်းမြစ်များ

1 CHRONICLES 16:25

LALPA chu a rokual le, fâk tak hen sawr ding asi; pathian dang zawzawng ngâk hen amah chu zah ding asi.

Ezra lasuibu 9:15

LALPA Israel Pathian, nang chu na rep le, na kan zuah. Kan sualnâk na sinah kan phuang asi, na mâika ah hawng kal khonâk kan nei lo,” a ti.

SAM 130:3

Kan sualnâk tla na singsiah thlir chun, mawh hen kan um mi zeitin suak kho asi lai?

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

SAM 90:11

Na thinthawknâk thiltikho zia âunih theih? Na thinrunhnâk nih zei ṭihnungkâi a hawng tlungtir kho mi âunih theih?

EXODUS 15:1

Churawhchun, Mosi leh Israel tla nih hi la hi LALPA sinah an sak rawh: “LALPA chu rokual tak hen nehtu asi ruangah a sinah la ka sak lai; rang leh a tlûnah chuantu tla chu tipi lakah a lawnh na rawh.

EXODUS 15:4

“Aigupta kawrsen leh a kari tla chu tipi ah a lawnh na; A hotu ṭha chem tla chu Tipi Sen lakah a thlâk na.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

1 KORIN 10:22

Asi lo chun Lalpa chu thîk ding hen a lung kan fâktir awt bei ne? Amah ngâk hen kan chak dauh hen ma kanna ruat?

THUPHUANG 14:7

Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.