SAM 76:6 - Bawm Common Language Bible Version

⁶ Jakob Pathian, anmah tla na ṭhih na liauah, rang leh a tlûnah â chuan mi tla tlû hen an thi.

SAM 76:6 ပူးပေါင်းရင်းမြစ်များ

2 SAMUEL 10:18

Israel kawrsen tla nih Siria kawrsen tla chu dunglei kângah an khirh na. David leh a mi tla nih kari lakah a chuan mi zasarih leh rang tlûnah to mi sîng li an thah, an mêlma hotu Sobak an liamh mi a thi mi hen.

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

SAM 104:7

Tî chu na fâi le, an tek; na thupêk hâu an theih rawh chun an tek ving.

SAM 18:15

Tisumsumriat taw chu lâwng tlo hen a siah le, tual ram chu a lang têt LALPA na mêlma tla chu na simhfâi chun na thin hen râp na.

SAM 80:16

Kan mêlma tla nih mei hen an duah le, an hâu ving, na thinrunhnâk hen zauh na le, veih na!

EXODUS 15:1

Churawhchun, Mosi leh Israel tla nih hi la hi LALPA sinah an sak rawh: “LALPA chu rokual tak hen nehtu asi ruangah a sinah la ka sak lai; rang leh a tlûnah chuantu tla chu tipi lakah a lawnh na rawh.

EXODUS 15:10

Sikhawmsele, LALPA nangmah thaw khat thli nih chun Aigupta mi tla tî ah a piltir na; tî ṭihnungkâi lakah suan hâwi hen an pil.

EXODUS 15:21

Miriam nih la a sak piak na: “Nehnâk rokual tak â ting ruangah LALPA chu sawr u; rang leh a tlûnah a chuantu tla chu tipi lakah a lawnh na rawh,” a ti.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

JEREMIA 51:39

An hamkah mi ma? Puai ka tuah piak na lai le, ka rîttir na lai le, lâwptlo tak hen ka tuah na lai. An it lai le, anna ṭhang lai lo rawh.

JEREMIA 51:57

Lâirêltu tla, mifing tla, ruitu tla leh kawrsen tla chu rî nek hen ka siam na lai. An it lai le, anna ṭhang lai lo rawh. Kei, lalchem nih ka sim le, Kei chu LALPA Zeizawng tikho kasi.

EZEKIEL 39:20

Ka dawhkân ah rang leh a tlûnah totu tla chu an chelh rî hen an ei na lai rawh. Kei Lalpa Zahkâi nih ka sim asi,’’ a ti.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

NAHUM 2:13

LALPA Zeizawng tikho nih, “Kei chu na mêlma kasi! Na kari tla ka duah hep awt, na kawrsen tla chu râltuknâk ah thah hen an um lai le, midang thawk hen na lâk mi thil zawzawng ka lâk phin awt. Na thiltikhonâk chu laikulh ah theih asi lai lo rawh,” a ti.

NAHUM 3:18

Asiria lal, na lâirêltu tla chu an thi le, na milian tla chu an it pawt rawh! Na mi tla chu tlângah anna rek le, in leiah hawng tlungpi natu ding âukhawm an um lo.

ZEKARIA 12:4

Chu tikah chun rang tla chu ka loh na lai le, a tlûnah anna chuan mi tla chu â thlo hen an kal lai. Juda mi tla chu ka vêng na lai le, sikhawmsele an mêlma rang tla chu an mit ka chawttir lai.

1 SAMUEL 26:12

Churawhchun, David nih Saul lû kiangah mi tî dûr leh fei chu a lâk le, Abisai hen chun an kal rawh. LALPA nih ihmu thâwtnâk a pêk na ruangah âukhawm nih an muh hen an theih na lo, ihmu thaw tak hen an it hep.