SAM 74:3 - Bawm Common Language Bible Version

³ Kan mêlma tla nih Biakin ah mi thil an râwk ver mi hi hawng ṭawl.

SAM 74:3 ပူးပေါင်းရင်းမြစ်များ

2 Lal 25:9

Biakin, lal in, leh Jerusalem ah mi pawiherh dauh in tla a duah hep le,

NEHEMIAH 1:3

A thibang an ram leiah tlung mi tla chu thungâi anna hamh, an kiangkam ramdang minung um tla nih thungâi an zauhnawmh ti an ka simh. Jerusalem kulh khawm râwk chia hen a um nget ko rih le, a kulh kawtkâ khawm an duahnâk thawk hen remh asi lo rih ti an ka simh.

NEHEMIAH 2:13

Zân asi rih liauah khuapi lakah mi chu ka suak le, thlanglei kângah Tivakuam ah mi kulh kawtkâ leiah ka kal le, simlei kângah Nâwm Lawnhnâk Kawtkâ leiah mi Dragon Tikhur leiah ka kal. Ka kal pah hen khuapi kulh a chim mi leh kulh kawtkâ mei nih a râwk mi chu ka zauh pah vima.

NEHEMIAH 2:3

ka sâng le, “Bâwipa, san sâu hen um rawh! Hawng ka thlâktu tla vûinâk mun leh a kulh kawtkâ chu mei nih a râwk hep mi zeitin zûr mêl putlo hen ka um kho zia lai?” ka ti.

SAM 44:23

LALPA! thawk, zeirang na it? Thawk! Nangmah tak thawk! Hawng kan nawng kumza lah!

SAM 44:26

Hawng kan ṭangpi ding hen thawk! Na dâwtnâk dawnglo nih ruang hawng kan suah ruangah!

SAM 79:1

Pathian, lunglo tla nih na ram an rûn. Na Biakin thenhlimh tla chu an nawmh hen Jerusalem chu râwk dep hen an mâk.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 61:4

Hun sâwt tak siat leh râwk hen A um mi khuapi chu sak nawlh asi lai.

JEREMIA 52:13

Biakin leh lal in, Jerusalem ah mi pawiherh in zawzawng tla a duah phin le;

LUNGFÂKNÂK 1:10

A mêlma tla nih a neih zawzawng an râwk hep. LALPA nih phun dang tla lût ding hen a siang lo mi Biakin ah an lût mi tla khawm a muh ko.

DANIAL 11:31

A kawrsen zeimaw mi nih Biakin an nawmh lai, nisiar bâwlnâk tla an khap lai le, thil ṭihnungkâi a siah lai.

DANIAL 9:17

Pathian, thla ka cham mi leh ka nan ngiar mi hi ngâi rawh. Na Biakin â râwk mi chu dirh nawlh rawh, mikip nih Pathian na si zia an theihnâk ding hen.

DANIAL 9:27

Chu lâirêltu chu mi tam tak hen kum sarih sung chu remnâk an siam lai le, chu chu hun khingkhuai a kal rawh chun bâwlnâk leh thil ap a khap lai rawh, thil ṭihnungkâi Biakin tlûnah siah hen a um lai le, Pathian nih a rangah a siam piak mi a dawnghnâk tlungtirtu ding mi hen anna tawng tiang chunah chun a um kumza lai.

MIKAH 1:3

LALPA chu a mun thenhlimh thawk hen a hawng lai le, a hawng ṭum lai le, tlâng sâng tlûnah a hawng kal lai.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

MARK 11:17

Chun, an sinah chun, “ ‘Ka in chu phun kip rangah thlachamnâk in an ti lai,’ ti rîn asi lo mazei? Nannih lam nih chun rawkmang tla pûk ah nan siam,” ti hen, a sîntir na rawh.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

JOSUA 10:24

Josua sinah an kalpi na. Josua nih Israel mi tla zawzawng chu a sinah a kawh ver na le, a sinah kal mi hotu tla khawm a kawh na le, an keza chu lalchem tla ngâwng tlûnah thâng ding hen thu a pêk na le, chu hâwi hen an ti.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.