SAM 74:2 - Bawm Common Language Bible Version

² Hun sâwt tak na tâ siding hen na thîm na mi tla leh nangmah mi siding hen sal na suah na mi chu theihkumza. Veikhat na umnâk Zion Tlâng chu theihkumza.

SAM 74:2 ပူးပေါင်းရင်းမြစ်များ

SAM 106:40

Churawhchun, LALPA chu a mi le tla lakah a thinthawk le; a fih na rawh.

SAM 135:4

Jakob chu amah rang bîk ah a thîm le, Israel tla chu amah tâ ding hen a thîm.

SAM 33:12

LALPA a Pathian si mi phun chu a lâwptlo; amah tâ ding ah thîm mi tla chu a lâwptlo.

SAM 68:16

Zei rangah na tlâng rokual thawk hen siarlo tak hen na zauh? Pathian nih tlâng sâng tak umnâk ding ah a ruat mi tlûnah chun, chunah chun LALPA a um kumza lai.

SAM 77:15

Na mi Jakob leh Josef thlâk tla chu na thiltikhonâk hen ruang na suah na.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

SAM 9:12

Tuartu tla chu Pathian nih a theih; an âu hâu chu a philh lo le, chun, thil diklo titu tla chu a rêp na.

SAM 94:14

LALPA nih a mi tla chu a kaltâk na lai lo le; amah lakah um mi tla chu a karo hen a siah na lai lo.

EXODUS 15:13

Na thutiam chu zumh a kâi, ruang na suah mi minung tla chu na rui na; na chaknâk hen na ram thenhlimh ah na ruai na.

EXODUS 15:16

Lâunâk leh ningṭihnâk an lakah a tlung. LALPA, na chak zia an muh le, sal na suah mi tla nih varâl lei an kâi thluh lânlo chu lâu leh ṭangpi duh hen an dîr.

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

ISAI 62:6

Jerusalem, na kulh tlûnah râlvêngtu ka siah le; A sûn a zân hen an dâisip ding asi lo rawh. LALPA thutiam chu an tharh nawlh lemang lai le, Anna philhtir lai lo rawh.

ISAI 63:17

Na lampi lakah mi zei rangah na kan vâitir? An hertâk ding hen zei rangah lungkhung tak hen hawng kan siam? Nangmah nâwl zulhtu tla leh na tâ si kumza mi tla zârah hawng kîr rawh.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 10:16

Jakob Pathian lam chu anmah hâwi asi lo; zeizawng siamtu asi le, Israel mi tla chu amah mi tak siding hen a thîm na. A min chu LALPA Zeizawng tikho asi.

JEREMIA 51:19

Jakob Pathian chu annih hâwi asi lo; thil zeizawng siamtu asi le, Israel tla chu a mi tak siding hen a thîm na. A min chu LALPA Zeizawng tikho asi.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

DEUTERONOMY 32:9

Sikhawmsele, Jakob thlâk tla lam chu amah rang ê ah a thîm na.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.