SAM 72:8 - Bawm Common Language Bible Version

⁸ A lalram chu tipi thawk hen khatlei tipi tiang si seh, Eufretis thawk hen tual dawnghnâk tiang si seh.

SAM 72:8 ပူးပေါင်းရင်းမြစ်များ

1 Lal 5:1

Tura Lalchem Hiram chu David hâwikawmh asi kumza. Solomon chu a pa ruangrûl ah a lal ti a theih le, a sinah thu lanhtu mi a fial.

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

SAM 80:11

A ṭeng tla chu Mediteranian tipi leh Eufretis Tiva phanh khet hen a luah.

SAM 89:25

A ram chu Mediteranian thawk hen Eufretis tiva tiang hen ka kauh lai.

SAM 89:36

Thlâk tla a nei kumza lai, chun, nî a chêu kar zawzawng chu a ram ka vêng piak lai.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.