SAM 72:7 - Bawm Common Language Bible Version

⁷ Repnâk nih chun a dam kar zawzawng chu ningnotir sele, vânṭhatnâk chu thlâ chêu kar zawzawng tiang si seh.

SAM 72:7 ပူးပေါင်းရင်းမြစ်များ

1 Lal 4:25

A damsung zawzawng chu Israel leh Juda tla chu him tak hen an um le, dâwngsungkhur kip nih grep zûn leh theipi mah tâ chiau an nei.

1 Lal 5:4

Sikhawmsele, tu lam chun LALPA Pathian nih ramri zawzawngah thlangamnâk leh remnâk hawng ka pêk rawh. Tuk leh thahnâk ding hen âukhawm mêlma ka nei lo rawh.

SAM 92:12

Mirep chu tûm kûng hâwi hen a ṭhang lai le; Lebanon ah mi sidar thing hâwi hen a ṭhang lai.

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 60:1

Jerusalem thawk le, nî hâwi hen chêu rawh; LALPA rokualnâk na tlûnah a chêu!

ISAI 60:22

Na dâwngsungkhur tâwm chem leh nâu chem khawm, Phun rokual thiltikho tak an si lai. Tik dik tak a hawng tlung chun ka umtir sawm lai. Kei LALPA kasi!” a ti.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

LUK 1:33

Jakob thlâk tla tlûnah zungzâl hen a lal lai le, a ram nih dawngh ni a nei lai loh,” a ti.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

THILTI 4:32

Chun, a lungtu mi zapi tla chu thinlung munkhat leh dawnruatnâk munkhat hen an um; an lakah pakhat khawm nih an thil neih, “Ka tâ bîk asi,” an ti lo; thil zawzawng anna bâwm ver tâwn.