SAM 72:3 - Bawm Common Language Bible Version

³ Ram chu vân ṭhatnâk lakah a lâwm sele; repnâk chu theihthiam seh.

SAM 72:3 ပူးပေါင်းရင်းမြစ်များ

SAM 65:12

Ram ningno chu ranrual hen na khattir; tlâng tla chu lâwm hen an khat.

SAM 72:16

Ram ah chun fâng tam tak um seh; Lebanon tlâng ah a rah duh hâwi hen tlâng tla chu rah hen khat seh. Phâi belh hen a khat mi hâwi hen khuapi chu minung hen khat seh.

ISAI 45:8

Vân thawk hen nehnâk chu ruah hâwi hen ka hawng fial lai le, ting ding hen tual chu â awng lai le, diknâk leh thawsuaknâk hen ka êntir lai. Kei, LALPA nih hi bang hi ka tlungtir awt,” a ti.

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

ISAI 60:17

“Dâr ruangrûl ah ngûn, thîr leh thing ruangrûl ah Tangkasa leh dâr, lung ruangrûl ah thîr ka nan put lai. Nan lâirêltu tla nih a nan nehsawh na lai lo rawh; Rep tak leh thlangam tak hen lâirêltu ding hen ka siam na lai.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.