SAM 72:2 - Bawm Common Language Bible Version

² Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

SAM 72:2 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

1 Lal 3:28

Churawhchun, Israel mi tla nih Solomon nih thu a thlûk zia an theih le, thungâi an zah, êlnâk ding mi thu lakah ṭha tak hen thlûk ding hen finghnâk Pathian nih a pêk ti an theih ruangah.

1 CHRONICLES 29:19

Ka fapa Solomon chu na dân thu zûl ding leh na Biakin sak ding hen ka timhtuah mi lakah hin thinlung pumpiluk duhnâk pêk rawh,” a ti.

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

THUFING LASUIBU 29:14

Mipâm tla diknâk lal nih a hum chun, sâwt tak lâirêl hen a um lai.

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.