SAM 71:7 - Bawm Common Language Bible Version

⁷ Hawng ka vêngtu chak tak na si ruangah ka nungnâk hi mi tam tak rangah zûnzauh ding hen a um.

SAM 71:7 ပူးပေါင်းရင်းမြစ်များ

SAM 61:3

Ka mêlma lakah mi hawng ka vêngtu chak tak leh hawng ka humtu na si ruangah himnâk ah hawng ka siah.

SAM 62:7

Ka ruangsuahnâk leh zah ka kâinâk chu Pathian lakah mi asi; amah chu hawng ka humtu chak tak asi le; ka dawrnâk asi.

SAM 62:8

Ka mi le tla, zeiliau zawng ah Pathian chu rinhsanh u. Kan himnâk asi ruangah nan lawksawngnâk zawzawng amah simh u.

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.

ISAI 8:18

Hinah hin LALPA nih hawng ka pêk mi fa tla hen kan um. LALPA Zeizawng tikho, Zion Tlâng tlûnah a laltophah um mi nih chun thuchah nung hâwi hen Israel mi tla sinah hawng ka fial.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

ZEKARIA 3:6

Churawhchun, vânmifial nih Josua chu LALPA Zeizawng tikho thusim chu a simh,

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

LUK 2:34

Chun, Simeon nih mal a sâwm na le, a nu Mari sinah, “Hi ngâksia hi Israel tla lakah mi tam tak tlûktir ding leh thawktir ding hen ruat asi; chun duh lo mi chu asi ti singsiahnâk ding chu asi;

THILTI 4:13

Chun, Peter leh Johan râlṭhat zia an muh hen lasui thiamlo mi leh mi narân an si ti an theih hen thungâi chê an ti. Jisu sinah an um ti an theih rawh.

1 KORIN 4:9

Pathian nih kannih mifial tla hi thi ding a ruat chia hâwi hen a dawnghchem ah hawng kan langhtir hen ka ngaih asi. Laikulh leh vânmifial tla leh minung tla mitmuh ah zauhnuam ah siam hen kan um hi.