SAM 71:5 - Bawm Common Language Bible Version

⁵ LALPA, ka ngâksiatê thawk hen ka lungumnâk ka siah hen ka nan ngauhsan.

SAM 71:5 ပူးပေါင်းရင်းမြစ်များ

1 Lal 18:12

Ka kal karah LALPA thlarau nih theihlonâk mun ah an put ving chun tene? Khinah a um ko ti hen Ahab ka simh mi lakah an tawng kho lo chun hawng ka thah ding ko rawh. Kei chu ka mêttê thawk hen Pathian sawnh leikângah sunhsak mi kasi ti hawng ka theih.

2 CHRONICLES 34:3

Josiah chu kum riat mi asi liauah lal asi le, thungâi a ngâksia rih, amah thlâktu lalchem David Pathian sawnh a dawmh rawh. Kum li nûn chun lunglotu tla pathian sawnhnâk mun, pathiannu Aserah lem leh milem dang tla râwk a dawmh rawh.

SAM 119:166

LALPA, ruang na ka suah ding ka ngâk ko, thu na ka pêk mi tla chu ka ti.

SAM 119:81

LALPA, ruang na ka suah ding mi ngâk hen ka dî thlo; na thu ah chun zumhnâk ka nei.

SAM 13:5

Na dâwtnâk dawnglo lakah ka ngauh; Ruang na ka suah ruangah ka lâwm lai.

SAM 39:7

LALPA, zei me ka lungum ding asi lai ne? Nangmah lakah ka lungum.

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 71:17

Ka ngâksia liau thawk hen na hawng ka sîntir le, na thilchê ti tla chu ka sim nget rih.

THUSIMTU 12:1

Churuangah seino na si liauah a nan Siamtu theihkumza le, na ngaihsiat ni leh kum a hawng tlung hen “Nungnâk lakah ka lâwm loh” na ti ni a tlung lânah.

JEREMIA 14:8

Nang chu Israel tla lungumnâk na si le, siatnâk lakah hawng kan humtu na si. Zei rangah kan ram ah mikhual hâwi leh khualtlâwng minung zân khat cho riak mi hâwi hen na um?

JEREMIA 17:13

LALPA, nang chu Israel lungumnâk na si le; nang rangah an kaltâktu zawng chu ningzak saih hen an um lai. Nang, LALPA tinungva thar a nan kaltâk ruangah phildip lakah min rîn hâwi hen an vei lai.

JEREMIA 17:17

Ka rangah ṭihnungkâi hen um lah le; nang chu lawksawngnâk tlung liauah ka himnâk mun na si.

JEREMIA 17:7

“Sikhawmsele keimah hawng ka zumhtu lam chu mal ka sâwm lai.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

LUK 2:40

Chun, nausêm chu a ṭhang vima le, a hawng chak da dauh le, finghnâk hen a khat le, Pathian zângfahnâk a tlûnah a um.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.