SAM 7:8 - Bawm Common Language Bible Version

⁸ LALPA, nang chu mi zawzawng lâirêltu na si, ka umdân hâwi vima hen lâi hawng ka rêl piak. Thilsual ka ti lo zia na theih.

SAM 7:8 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

GENESIS 31:53

Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh.

2 CHRONICLES 20:12

Nang chu kan Pathian na si! Hi hawng kan dotu kawrsen tam tak lakah chun ṭangpi kan herh ruangah nangmah nih rêp na. A ti dân ding zeikhawm kan theih loh, sikhawmsele nangmah ṭangpinâk cho kan bawh ko,” a ti.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 25:21

Nangmah lakah ngauh mi kasi ruangah ka ṭhatnâk leh zumhkâinâk nih hawng ka hum seh.

SAM 26:1

LALPA, thil dik ka ti ruangah leh nangmah lakah ka ngauh tlak ruangah sual nei lo hâwi hen hawng ka ruat.

SAM 26:11

Kei lam chu thil dik titu kasi ruangah ka lakah khuaruat hen ruang hawng ka suah.

SAM 41:12

Thil dik ka ti ruangah na ka ṭangpi lai le, na mâika ah chun na ka kil kumza lai.

SAM 43:1

Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

SAM 78:72

David nih chun mah mâika siallo hen a kilkâwi na le, thiam tak hen a rui na.

SAM 82:1

Pathian nih vân lâirêlnâk a ho na; Pathian tla pumhnâk lakah thu a thlûk:

SAM 9:8

Repnâk hen laikulh chu lâi a rêl le; diknâk hen phun tla lâi a rêl.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

THUFING LASUIBU 19:1

Mi mâwl âwkrâwl simtu ngâk hen mipâm zumhkâi tak mi si a ṭha dauh.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

1 THESALONIKA 2:10

Nannih lungtu tla tlûnah thenhlimh tak leh rep tak leh simsâwi kawplo tak a kan um zia kha hawng kan theihpitu tla nan si, Pathian hen.