SAM 7:6 - Bawm Common Language Bible Version

⁶ LALPA, thinrun hen thawk le, ka mêlma tla thinthawknâk ah hin hawng dîr; nangmah ngelchel thawk le, hawng ka ṭangpi! Diknâk chu na duhzia asi.

SAM 7:6 ပူးပေါင်းရင်းမြစ်များ

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

SAM 103:6

LALPA nih chun nâuneh hen um mi tla rangah sunhsak tak hen lâi a rêl le, thuneihnâk a pêk na.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 138:7

Nawknâk nih hawng ka kulh pang liau khawm ah him tak hen na ka kil. Ka mêlma thinthawk tla chu na do le; na thiltikhonâk hen na ka hum.

SAM 143:3

Ka mêlma tla nih an ka neh thlo rawh. Mûi rêngin ah a ka khumh le, a thi ving rawh mi hen ka bang cho.

SAM 3:7

LALPA! Ka Pathian hawng le, ruang hawng ka suah rawh. Ka mêlma zawng tla chu na rêp na hen nganfâk an ka pêk ding mi chu Thiltikho lo hen na siah na.

SAM 35:1

Hawng ka dotu tla chu do na le, LALPA, hawng ka sualpitu tla chu sualpi na!

SAM 35:23

LALPA, thawk le, hawng ka vêng; ka Pathian, ka thu hawng ka sim piak.

SAM 44:23

LALPA! thawk, zeirang na it? Thawk! Nangmah tak thawk! Hawng kan nawng kumza lah!

SAM 44:26

Hawng kan ṭangpi ding hen thawk! Na dâwtnâk dawnglo nih ruang hawng kan suah ruangah!

SAM 59:5

LALPA, Zeizawng tikho Pathian, thawk le, hawng ka ṭangpi ding hen hawng; Israel Pathian, nangmah ngelchel nih zauh! Meng le, lunglotu tla chu rêp na, tleihtu sual lakah chun khuaruat lah!

SAM 73:20

LALPA, nangmah tak na hawng thawk rawh chun zînglei ah mang a vei mi hâwi hen an lang lo rawh.

SAM 74:3

Kan mêlma tla nih Biakin ah mi thil an râwk ver mi hi hawng ṭawl.

SAM 78:65

A dawnghnâk ah chun LALPA it mi chu mi chak uain nih a tha a thawktir mi hâwi hen a hawng a ṭhangh.

ISAI 3:13

LALPA chu a thunawk sim ding hen tîm zet hen a um le, a mi tla lâirêl ding hen â tîm zet rawh.

ISAI 33:10

LALPA nih phun tla sinah, “Tuah thil ka ti awt. Thil ka ti kho zia ka langhtir awt.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 51:9

LALPA, meng le, hawng kan ṭangpi! Na thiltikhonâk mang le, ruang hawng kan suah rawh; a lânah na ti mi hâwi hen mang rawh. Tipi mi thilnung lian Rahab sâm diptu na si.