SAM 7:10 - Bawm Common Language Bible Version

¹⁰ Pathian chu hawng ka vêngtu asi; a thu ngâitu chu a hum na.

SAM 7:10 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 6:30

Na vân in thawk hen ngâi le, ngaihdam piak na rawh. Nangmah cho nih minung thinlung ruat chu na theih.

JOB LASUIBU 8:6

Chu hâwi tluk hen zumh na kâi hen, na thenhlimh mi asi chun Pathian hawng kal hen a nan ṭangpi lai le, lâwmman hâwi hen na dâwngsungkhur a lân hâwitê hen a tuah nawlh lai.

SAM 112:2

Ram lakah chun mi ṭha fa tla chu thiltikho tak an si lai; a thlâk tla chu malsâwm hen an um lai.

SAM 125:4

LALPA, mi ṭha sinah leh na thupêk zûltu tla sinah na ṭhatnâk suah rawh.

SAM 3:3

Sikhawmsele, nang LALPA nih chun ṭihnungkâi lakah phaw hen hawng ka hum; nehnâk na ka pêk le, râlṭhatnâk na ka pêk.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 89:18

LALPA, nangmah nih hawng kan kilkâwitu na thîm; nangmah, Israel Pathian Thenhlimh nih kan lal na kan pêk.

THUFING LASUIBU 11:20

Mi thinlung sual tla chu LALPA nih a hua na le, sikhawmsele thil dik titu tla lam chu a dâwt na.

THUFING LASUIBU 2:21

Mirep tla, mi rangtling tla chu kan ram ah hin an um lai.

THUFING LASUIBU 28:18

Zumhkâi tak hen um le, na him lai. Zumhkâi tak hen na um lo chun, na tlû sawm lai.

JEREMIA 11:20

Churawhchun, thla ka cham le, “LALPA Zeizawng tikho, nang chu lâirêltu rep na si; minung thinlung dawn leh theihnâk tla chu na nik. Ka lawksawngnâk chu na kut ah kan ap, churuang chun hi minung tla lakah lehrûl na sam mi hawng ka ngâktir,” a ti.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.