SAM 69:4 - Bawm Common Language Bible Version

⁴ A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

SAM 69:4 ပူးပေါင်းရင်းမြစ်များ

SAM 35:19

Neh hen ka um mi lakah ka mêlma tla, mi âwkrâwl thusim tla nih hawng ka diriamh ding hen siang lah. A san lo hen an ka huatu tla nih ka lawksawngnâk lakah lâwm hen an ka imh ding siang lah.

SAM 40:12

Nawknâk tam tak nih an ka tuam pang, rêlchâwk asi lo! Ka sualnâk nih a ka tleih le, ka muh kho lo rawh; ka lû mi ka sam ngâk hen an tam,

SAM 59:3

Zauhnik! misual tla chu do ding hen anna pûm le; thah ding hen an ka ngâk ko. Thilsual ka ti mi leh thil diklo ka ti ruang khawm asi lo.

SAM 6:7

Ka mêlma ruangah ka ṭapnâk nih ka mit tla a hivâitir le; zângrah ka muh kho.

JOHAN 15:25

Zeikhawm si sele, an Dân bu ah, ‘Annih nih a san umlo hen an ka hua rawh,’ ti thurîn kha a hawng tlung khonâk ding hen an ti asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.