SAM 69:36 - Bawm Common Language Bible Version

³⁶ A to-aw thlâk tla nih chun an luah lai le, amah dâwttu tla chu chunah an um lai.

SAM 69:36 ပူးပေါင်းရင်းမြစ်များ

SAM 102:28

Kan fa tla chu himnâk ah an um lai le, nangmah zauhkhenhnâk tangah an thlâk tla chu an um lai.

SAM 37:29

Mirep tla nih chun ram chu anna ting lai le, a sungah an um kumza lai.

SAM 91:14

Pathian nih chun, “Hawng ka dâwttu chu ka hum lai le, LALPA kasi ti hawng ka theihtu tla chu ka vêng na lai.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 61:9

Phun tla lakah an min a thang lai le; Mikip anmah muhtu tla nih mal ka sâwm na mi Minung tla an si ti an theih lai,” a ti.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.