SAM 67:4 - Bawm Common Language Bible Version

⁴ Rep tak hen zapi tla lâi na rêl piak na hen tual tlûnah mi phun tla na rui na ruangah lâwm hen la sak na seh.

SAM 67:4 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

SAM 82:6

‘Pathian tla nan si,’ ‘Nan ektê hen Chungnungchem fa tla nan si!’

SAM 9:8

Repnâk hen laikulh chu lâi a rêl le; diknâk hen phun tla lâi a rêl.

SAM 96:10

“LALPA chu lalchem asi!” ti phun zawzawng sinah sim u. “Tual chu a mun ah bir tak hen a siah le, changh kho ding asi lo; zapi tla chu dik tak hen lâi a rêl piak lai,” ti hen.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

ISAI 54:1

Jerusalem, nang chu nunau fa nei lo hâwi na si le, sikhawmsele tu lam chu lâwm ruangah la sak hen âu kho na si rawh. Tu chun nunau, a pasal nih a umpi kumza mi ngâk hen fa tam dauh na nei lai.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

ISAI 60:6

Sangâwngsâu hen khualtlâwngtu murui tla tam tak, Midian leh Ephah thawk hen an hawng lai. Seba thawk hen ngûn leh rimthâw tla put hen an hawng lai. Mi tla nih LALPA thilti thâwngthâng ṭha an sim lai!

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

GALATIA 4:27

Pathian lasui thu nih, “Nang, ching, fa ring dahlo, a lâwm rawh! Nang, fa ring hen nganfâk tuar dahlo, âu rawh! Pasal nei mi ngâk chun um harnu nih chun fa le a nei tam dauh asi,” ti hen a sim hâwi khan.

DEUTERONOMY 32:43

“Phun tla, LALPA mi tla chu sawr u, anmah thahtu tla zawzawng chu a rêp na. A mêlma lehrûl a sam na le, a mi tla chu an sual a ngaihdam na,” a ti.