SAM 66:7 - Bawm Common Language Bible Version

⁷ A thiltikhonâk hen zungzâl lâi a rêl le; phun tla chu a zauh kumza na. âukhawm a lakah an hel lo.

SAM 66:7 ပူးပေါင်းရင်းမြစ်များ

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

JOB LASUIBU 9:4

Pathian chu thungâi a fing le, thil a ti kho; amah do khotu âukham an um lo.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 140:8

LALPA misual tla nih an duh mi chu pêk lah na, an thiltum khawm tawngtir lah na.

SAM 145:13

Na dân chu zungzâl asi le, nang khawm zungzâl lal na si. LALPA chu a thutiam ah zumh a kâi le, thil a ti mi zawng chu a ṭha.

SAM 33:13

LALPA nih vân thawk hen a bih le, minung tla zawzawng chu a muh na.

SAM 62:11

Thiltikhonâk leh a dâwtnâk dawnglo chu amah lak thawk hen mi asi ti Pathian nih a sim mi veikhat ngâk a tam ka theih.

SAM 75:6

Lâirêlnâk hi saklei leh thlanglei thawk hen mawh, simlei leh marlei mi khawm asi loh;

EXODUS 18:11

Tu chun LALPA chu pathian zawzawng tla ngâk hen a rokual dauh ti ka theih rawh. Aigupta mi tla nih Israel tla zauhnawmh hen an nehsawh na mi lakah hi hâwi hen thil a ti ruangah,” a ti.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.