SAM 66:16 - Bawm Common Language Bible Version

¹⁶ Pathian zahtu zawzawng tla, hawng ule, ngâi u, ka rangah thil a ti mi chu ka nan simh na lai.

SAM 66:16 ပူးပေါင်းရင်းမြစ်များ

SAM 34:11

Ka hâwi rualnâu tla, hawng ule, ka thu ngâi u, LALPA ṭih ding dân kan sîntir na lai.

SAM 34:2

A thilti ruangah amah chu ka sawr lai le; nâuneh hen um mi zawzawng tla nih ngâi hen a lâwm na seh!

SAM 66:5

Pathian nih minung fa tla tlûnah a thilchê ti tla, hawng le, zauh.

SAM 71:15

Na ṭhatnâk thu ka sim lai le, ka theih kho mi ngâk hen tam khawmsele, nî tlâk hen na ruangsuahnâk thu ka sim lai.

SAM 71:18

Pathian, tu chun ka tar rawh le, ka sam tla a pâr rawh; Hawng ka kaltâk rîlmâl lah. Thlâk hawng um ding mi zawzawng sinah na thiltikhonâk leh chaknâk ka sim liau hin ka sinah um kumza.

SAM 71:20

Ka tlûnah tuarnâk leh nawknâk na hawng tlungtir le, sikhawmsele, chaknâk na ka pêk lai le, thlân lakah mi chu na ka hum lai.

SAM 71:24

Keimah nganfâk pêk ding hawng ka tumtu tla chu neh leh ningzak saih hen an um ruangah nî tlâk hen na repnâk thu ka sim lai.

JEREMIA 51:10

LALPA nih, “Ka mi tla chu, ‘LALPA nih kan dik zia a langhtir. Kan kal lai le, LALPA kan Pathian nih thil a ti mi chu Jerusalem mi tla kan simh na lai, ti hen âu u,’ ” a ti.

MALAKI 3:16

Churawhchun, LALPA ṭihtu tla chu thu anna ruah le, LALPA nih an thusim chu a ngâi le, a theih rawh. Amah ṭihtu leh zahtu tla thilti rînnâk chu LALPA mâika ah lasuibu lakah rîn hen a um.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.