SAM 61:4 - Bawm Common Language Bible Version

⁴ Ka dam sung zawzawng na mun thenhlimh ah hawng ka umtir le; na thla tangah himnâk hawng ka tawngtir.

SAM 61:4 ပူးပေါင်းရင်းမြစ်များ

SAM 15:1

LALPA, na Biakin ah âu me lût kho lai? Na tlâng thenhlimh Zion ah âunih an sawnh kho lai?

SAM 17:8

Na mit hen na duhzia hâwi hen hawng ka vêng le,

SAM 23:6

Ka dam kar zawzawng chu na ṭhatnâk leh dâwtnâk ka lakah a um lai ti ka theih; na in chu ka san tlum hen ka in asi lai.

SAM 27:4

LALPA chu thil pakhat ka deih le; thil pakhat ka duhtak mi chu: ka damsung zawzawng a in ah um kumza ding hen, a ṭhatnâk chu chê ti kumza ding hen leh amah ruinâk deih kumza ding hen.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 61:7

Pathian, na mâika ah lâirêl kumza ding hen, na dâwtnâk dawnglo leh na zumhkâinâk hen hum rawh.

SAM 62:7

Ka ruangsuahnâk leh zah ka kâinâk chu Pathian lakah mi asi; amah chu hawng ka humtu chak tak asi le; ka dawrnâk asi.

SAM 63:7

Hawng ka ṭangpitu na si kumza ruangah, na thla dâidul tangah lâwm hen la ka sak.

SAM 90:1

LALPA, nang chu kan in na si kumza.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

SAM 92:13

LALPA in ah thing phun mi hâwi mi Pathian Biakin ah châwm mi hâwi an si,

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.