SAM 57:1 - Bawm Common Language Bible Version

¹ Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 57:1 ပူးပေါင်းရင်းမြစ်များ

SAM 125:1

LALPA ngauhsantu tla Zion tlâng ninh kho lo leh ṭhial dahlo mi hâwi asi.

SAM 13:5

Na dâwtnâk dawnglo lakah ka ngauh; Ruang na ka suah ruangah ka lâwm lai.

SAM 142:1

Ṭangpi ding hen LALPA chu ka auh le; amah lakah ka ngauh.

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

SAM 36:7

Pathian, na dâwtnâk dawnglo chu a sung a! Na thla dâidul tangah himnâk kan tawng.

SAM 56:1

Pathian, tuknâk ah ka um ruangah ka lakah khuaruat le; ka mêlma tla nih zeiliau zawng ah an ka nehsawh.

SAM 58:1

Nannih lâirêltu tla, dik tak hen thu nan thlûk tâwn ma? Nannih lâirêltu tla, mi zawzawng lâi ṭha tak hen nan rêl ma?

SAM 59:1

Ka Pathian, ka mêlma lakah leh hawng ka dotu lakah mi hawng ka hum!

SAM 61:4

Ka dam sung zawzawng na mun thenhlimh ah hawng ka umtir le; na thla tangah himnâk hawng ka tawngtir.

SAM 63:7

Hawng ka ṭangpitu na si kumza ruangah, na thla dâidul tangah lâwm hen la ka sak.

SAM 75:1

Aw Pathian, lâwmthu ka nan simh, lâwmthu ka nan simh! Na rokual zia kan sim hen na thilchê ti mi tla kan sim.

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

SAM 91:9

Nangmah vêngtu ding ah LALPA chu na siam le, Chungnungchem chu nangmah kilkâwitu ah na siam le,

ISAI 10:25

Tam sâwt lo hen kan rêp na mi â lîm chun anmah ka veih na awt.

ISAI 26:20

Ka mi tla, nan in sungah va kal ule, in a khâr khumh pang u. Pathian thinthawknâk a reh lânlo chu hun sâwtlotê va a thup rih u.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.

1 SAMUEL 22:1

David chu Gath khuapi thawk hen a suak le, Adulam khua kiangah mi pûk ah a kal. Chunah a um mi chu a dâwngsung leh a unau tla nih an theih le, an va kal bâk.

1 SAMUEL 24:3

Lampi kiangah chun dawrâ pûk a um le, amah cho a fimlâwm ding hen â thlei le, a sungah a va lût. Chu pûk lak tak ah chun David leh a mi le chu a dunglei ah anna thup le, an um ko.

1 SAMUEL 24:4

Chun, a mi tla nih David sinah, “Na rangah tu hi tik dêngkhâwng tak asi, na mêlma chu na duh zia zawng ti ding hen Pathian nih a nan pêk,” an ti. David chu a va vâk le, a thuptê hen Saul theih lo karah a kawrdawhfual chu tâwm a lep.

1 SAMUEL 24:8

Churawhchun, David khawm pûk ah mi chu a suak bâk le, Saul rangah a auh, “Bâwipa” a ti le, Saul chu a hawng a her, David nih zah tak hen tual ah a kûn le, a sinah,

1 SAMUEL 26:9

Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.