SAM 51:3 - Bawm Common Language Bible Version

³ Ka diklonâk chu ka theih, ka sualnâk tla ka theihkumza.

SAM 51:3 ပူးပေါင်းရင်းမြစ်များ

NEHEMIAH 9:2

Ramdang lakah mi anna thlei tâ le, an thinlung a fâk tih theihnâk ding ah salâpuan anna aih le, an lû ah valeidip anna phulh. Churawhchun, an thlâktu leh anmah sual phuang ding hen an dîr.

JOB LASUIBU 33:27

Zatlâng sinah, “Ka sual ngâk, ka diklo, sikhawmsele, Pathian nih hawng ka zuah.

SAM 32:5

Churawhchun, ka sual tla na sinah ka hawng phuang le; ka thilti diklo tla chu pheh lo thlo hen ka phuang. Na sinah thutluang vâwr ding hen ka tum, chun nangnih ka sual zawzawng na ka ngaihdam rawh.

SAM 38:18

Ka sual ka phuang le, ka lawk an ka sawngtir.

SAM 40:12

Nawknâk tam tak nih an ka tuam pang, rêlchâwk asi lo! Ka sualnâk nih a ka tleih le, ka muh kho lo rawh; ka lû mi ka sam ngâk hen an tam,

SAM 41:5

Ka mêlma tla nih ka thu ṭhalo hen an sim. Thi ding leh tlâu ving ding an ka duh.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 59:12

“LALPA, na lakah kan thilsual ti thungâi a tam. Kan sualnâk tla nih hawng kan phiar. Chubang tla lakah kan theihthiam.

JEREMIA 3:25

Ningzak hen kan rîl thlo lai le, kan ningzaknâk nih hawng kan khuh seh. Kan thlâktu leh kanmah khawm LALPA kan Pathian lakah kan sual kumza; a thupêk khawm kan ngâi dahlo,” nan ti.