SAM 51:1 - Bawm Common Language Bible Version

¹ Pathian, na dâwtnâk dawnglo ruangah ka lakah khua ruat. Na khuaruatnâk rokual ruangah ka sualnâk chu nâwt dep!

SAM 51:1 ပူးပေါင်းရင်းမြစ်များ

2 SAMUEL 11:2

Nikhat chu sûnnilei zâu ah David chu a thawk le, a in tlûnah a va kâi, a kâi liau chun nunau tak â khawlh mi a muh, chu nunau chu thungâi a mêlṭha.

NEHEMIAH 4:5

Kan in sak hawng kan kalh ruangah an thilsual ti chu ngaihdam lah le, an thilsual ti philh lah,” ti hen.

SAM 106:45

Anmah ruangah a thudântuk chu a theihkumza le, a dâwtnâk rokual ruangah siherhnâk a nei.

SAM 106:7

Aigupta ah hawng kan thlâktu tla nih Pathian thilchê ti chu an theihthiam lo le; vei tam tak a dâwtnâk a muhtir na mi chu an philh le, Zeizawng tikhotu Pathian tlûnah Tipi Sen ah chun an hel.

SAM 109:21

Sikhawmsele, LALPA, ka Pathian, na thutiam hâwi hen hawng ka ṭangpi le, na dâwtnâk ruangah hawng ka hum rawh.

SAM 119:124

Na zângfahnâk dawnglo hâwi hen ka lakah hawng ṭuan le, na thupêk tla hawng ka sîntir.

SAM 145:9

Mikip sinah a ṭha le, a thilsiam zawzawng lakah ṭhat a suah.

SAM 4:1

Pathian, hawng ka vêngtu! Thla ka cham tikah hawng ka sâng rawh. Ka lawksawng liauah na ka ṭangpi. Tuah ka lakah vêlnei le, ka thlachamnâk ngâi.

SAM 40:11

LALPA, ka lakah khua na ruatnâk hi a dawnglo ti ka theih. Na dâwtnâk leh zumh na kâinâk nih him tak hen hawng ka kil kumza lai.

SAM 5:7

Sikhawmsele, na dâwtnâk rokual ruangah na in ah ka hawng kho. Na Biakin thenhlimh ah ka nan sawnh kho hen, zah tak hen na sinah ka hawng kûn.

SAM 51:9

Ka sual tla lakah na mit sîm le, ka sual tla nâwt dep.

SAM 69:13

Kei lam chu LALPA, na sinah thla ka hawng cham lai. Pathian na tik na ruat mi lakah hawng ka sâng. Ruangsuah ding hen thu na tiamh ruangah na dâwtnâk rokual ruangah hawng ka sâng.

SAM 69:16

LALPA, na dâwtnâk dawnglo leh na ṭhatnâk ruangah hawng ka sâng le, na vêlneihnâk rokual ruangah keimah lei hawng a hawi!

SAM 77:9

Pathian nih khua a ruat awtlo rawh na maw? A zângfahnâk chu thinthawknâk nih ma a thlâk awt?” ti hen.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 63:15

LALPA, vân ah na umnâk thenhlimhnâk leh rokualnâk thawk hen hawng kan zauhnik. Kan rangah na kan ruatnâk zeiah a um rawh? Na thiltikhonâk zeiah a um? Na dâwtnâk leh lungkhamnâk zeiah a um? Hawng kan zauhtâu lah.

ISAI 63:7

LALPA dâwtnâk tlawlh dahlo ka sim lai le; Kan rangah thil a ti mi zawzawng ruangah amah chu ka sawr lai. A dâwtnâk leh khuaruatnâk dawnglo ruangah Israel mi tla chu cherkhet hen mal a sâwm na.

JEREMIA 18:23

Sikhawmsele, LALPA, thah ding hen an ka tum mi tla na theih asi. An thilsual ti chu ngaihdam lah na le, an sualnâk tla khawm ngaihdam lah na. Neh ding hen siam na le, na thinthawk liauah do na rawh,” ka ti.

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

DANIAL 9:18

Pathian, hawng kan ngâi le; hawng kan zauhnik, kan lawksawng zia leh na min puttu khuapi nih a tuar zia hi theih rawh. Thildik kan ti mi ruangah silo hen, khuaruattu na si ruangah, na sinah thla kan hawng cham asi.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

KOLOSA 2:14

kan buarnâk zawzawng hawng kan ngâihdam le, batnâk lasui thupêk a rîn mi kan tlûnah um mi hawng kan kham tâwn chu a veih rawh asi, chu tak chu Kraws a khenhbêk hen a dangah a siah rawh.