SAM 5:9 - Bawm Common Language Bible Version

⁹ Ka mêlma thusim chu zumh kho mi asi lo; râwk ding karo an ka duh. An aw-kâ chu a thlum hen a tlawr. Sikhawmsele thihnâk rê hen perpetnâk asi.

SAM 5:9 ပူးပေါင်းရင်းမြစ်များ

Ezra lasuibu 8:21

Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

SAM 27:11

LALPA, ti ding na ka duh mi chu hawng ka sîntir le, mêlma tam tak ka nei ruangah himnâk lampi ah hawng ka rui vima.

SAM 51:6

Zumhkâi leh diknâk chu na duh mi tak asi, na finghnâk hen ka thinlung khattir rawh.

SAM 52:2

Midang tla râwk ding na tum le, na lei chu ziahdâr a hâr mi hâwi asi, âwkrâwl na hâwl kumza.

SAM 62:4

Zah a kâinâk mun ah mi chu thlâk ding karo nan awt le; âwkrâwl thusim nuam nan ti. Nan kâ hen chun mal nan sâwm le, nan thinlung hen chun siat nan barh.

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.

SAM 64:6

Thil diklo thu anna thluk le, “Dân buarnâk rangtling kan ruat,” an ti. Minung thinlung leh dawnruatnâk chu â thup asi.

SAM 69:19

Ka mêlma tla nih ningzak an ka saih mi leh zauhnawmh kasi zia na theih hen na muh.

THUFING LASUIBU 29:5

Na hâwi tla, vêl leh khua hen na sawr chun, nangmah rangah thang na tunh mi asi.

ISAI 26:7

LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

LUK 11:39

Chun, Lalpa nih chun a sinah, “Nannih Farisai nih khêng leh hâi lênglei lam chu nan ṭâwl thiang tâwn; nan sunglei lam chu lêpnâk leh sual hen a khat fâwn.

LUK 11:44

Nan tlûn a pit! Thlân ti theih lo hen, a tlûnah mi an kal tâwnnâk hâwi chu nan si,” a ti.

ROM 3:13

An kâ suak nâwmtâm nih chun thihnâk a tlunh tâwn, an lei nih perpetnâk thu a sim. An kâ sung chu rûl tûr hen a khat.

1 THESALONIKA 2:5

Zeiliau khawm ah sawr telê nâk mawh, hamkah phenhnâk mawh kan mang mi an theih dah loh ti nan theih kha,