SAM 5:7 - Bawm Common Language Bible Version

⁷ Sikhawmsele, na dâwtnâk rokual ruangah na in ah ka hawng kho. Na Biakin thenhlimh ah ka nan sawnh kho hen, zah tak hen na sinah ka hawng kûn.

SAM 5:7 ပူးပေါင်းရင်းမြစ်များ

1 Lal 8:35

“Na mi tla nih na lakah thil an sual ruangah ruah na sûrtir lo hen, annih nih rim hen hi Biakin lei hawi hen thla an hawng cham tikah chun vân thawk hen ngâi piak na.

1 Lal 8:38

Na mi Israel tla lakah thinlung fâk taknâk nei hen hi Biakin lei hawi hen bân phar hen thla an hawng cham chun,

SAM 101:7

Mi âwkrâwl thusim tla chu ka lal in ah an um lai lo le, mi perpê tla khawm ka mâika ah an um lai lo.

SAM 130:4

Sikhawmsele nangnih na kan ngaihdam le, zah tak hen kan zûl khonâk ding hen.

SAM 132:7

“LALPA in ah kan kal lai le; a laltophah mâika ah kan va sawnh lai,” kan ti.

SAM 138:2

Na dâwtnâk dawnglo leh zumh na kâinâk ruangah, na Biakin Thenhlimh leiah ka hawi le, kûn hen na min ka sawr, na thupêk leh na min rokual zia na langh.

SAM 28:2

Na Biakin thenhlimh leiah kut phar hen ṭangpi ka nan deih tikah hawng ka ngâi piak rawh.

SAM 34:17

Mirep nih LALPA a auh le, a ngâi piak; an lawksawngnâk ah mi ruang a suah na.

SAM 51:1

Pathian, na dâwtnâk dawnglo ruangah ka lakah khua ruat. Na khuaruatnâk rokual ruangah ka sualnâk chu nâwt dep!

SAM 52:8

Kei lam chu Pathian in ah oliv thing a kho mi hâwi asi; zungzâl hen a dâwtnâk dawnglo lakah ka ngauh.

SAM 55:16

Sikhawmsele, LALPA Pathian sinah ṭangpi ka sâwm le, hawng ka hum lai.

SAM 69:13

Kei lam chu LALPA, na sinah thla ka hawng cham lai. Pathian na tik na ruat mi lakah hawng ka sâng. Ruangsuah ding hen thu na tiamh ruangah na dâwtnâk rokual ruangah hawng ka sâng.

SAM 69:16

LALPA, na dâwtnâk dawnglo leh na ṭhatnâk ruangah hawng ka sâng le, na vêlneihnâk rokual ruangah keimah lei hawng a hawi!

THUFING LASUIBU 6:16

Thil pasarih LALPA nih a hua hen a sâithiam lo mi a um: Zûm tak hen khua hawi, âwkrâwl thusim, thilsual tilo mi thahtu kut, thilsual dawntu thinlung, thilsual ti ding hen thathawk hen kaltu kê, âwkrâwl hen theihtu telê, mah hâwi le sinah nawknâk tuahtu.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 64:11

kan Biakin, mun thenhlimh leh dawh tak, hawng kan thlâktu tla nih a nan sawrnâk chu mei hen râwk dep asi rawh. Mun kan duh tatak mi tla chu â râwk dep.

DANIAL 6:10

Churawhchun, lal nih a min a rîn rawh ti Danial nih a theih rawh chun in leiah a lâwi le, a umnâk in chawnh tlûnah Jerusalem hawi hen langawtkawt a um, chunah chun a ti kumza hâwi hen nisiar ni khat lâi ah veithum vima thla a cham.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

HEBRAI 4:16

Chun, khuaruatnâk kan tawng khonâk ding leh bawmh kan herh tikah ṭangpinâk leh zângfahnâk kan tawng khonâk ding hen zângfahnâk laltophah chu râlṭha tak hen kan naih lai.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.