SAM 5:4 - Bawm Common Language Bible Version

⁴ Thilsual titu lakah a lâwm mi Pathian na si lo le; na mâika ah sualnâk um na sâithiam lo.

SAM 5:4 ပူးပေါင်းရင်းမြစ်များ

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

SAM 101:7

Mi âwkrâwl thusim tla chu ka lal in ah an um lai lo le, mi perpê tla khawm ka mâika ah an um lai lo.

SAM 11:5

Misual leh miṭha chu a nik vevê na le, dân nei lo mi chu a thinlung zawzawng hen a hua na.

SAM 140:13

Mi rep nih chun a nan sawr ngelchel lai le, na mâika ah an um lai.

SAM 50:21

Hi zawzawng thil na ti khawm ah zei thu khawm ka sim lo, churuang chun nangmah hen bang cho na ka ruat. Churuang chun tuah nunsimh hen thu ka nan simhfiang lai.

SAM 63:2

Na rokual zia leh na chak zia na mun thenhlimh ah hawng ka muhtir.

SAM 88:14

LALPA, zei rangah na ka nawng? Zei rangah na ka hertâk?

SAM 92:15

Hi nih hin hawng kan kilkâwitu nih chun diklonâk a nei lo mi leh LALPA chu mirep asi ti a langhtir.

SAM 94:20

Lâirêlnâk diklo lakah na kawpkaih lo, dân diklo siamtu hen khawm.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

MALAKI 2:17

Na thusim hen LALPA rangah nengtawr a kâi. Nangnih, “Zeitin nengtawr ka kâitir?” na ti. “LALPA, Zeizawng tikho nih thilsual titu tla chu ṭha hen a ruat na, churuang chun a lawmh na,” na ti mi lakah. Asi lo leh, “Pathian rep chu zeiah a um?” na ti mi lakah.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

HEBRAI 12:14

Mi zawzawng hen remnâk leh thenhlimhnâk nei ding hen a ṭang u, chubang thenhlimhnâk lo hen âukhawm nih Lalpa an muh lai loh.

2 PETER 3:13

Sikhawmsele, Pathian thutiam hâwi hen vân thar leh tual thar, a sungah repnâk um ding mi chu kan ngâk asi.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.