SAM 41:9 - Bawm Common Language Bible Version

⁹ Ka hâwikawmh chem, ka zumh chem mi, buh munkhat hawng ka eipitu chu ka leido a hawng si.

SAM 41:9 ပူးပေါင်းရင်းမြစ်များ

2 SAMUEL 15:12

Absalom nih bâwlnâk a ap liauah, Gilo khua mi Ahithophel, David lâirêl pitu rangah a chah. Lalchem rangah an phiarnâk chu a zual dadauh le, Absalom murui chu an pung dadauh rawh.

JOB LASUIBU 19:13

Pathian nih ka unau tla an ka kaltâktir ver. Ka mêltheih tla sin khawm ah ramdang mi hâwi kasi.

JOB LASUIBU 19:19

Ka hâwikawmh tla nih an ka zauh le, an ka fih; ka dâwt chem na mi tla khawm nih an ka hua.

SAM 101:3

sualnâk rêng ka tuar lai lo. Pathian thawk hen a pial mi minung tla thilti tla chu ka hua; annih hen zeikhawm kawpkaihnâk ka nei awtlo.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

OBADIAH 1:7

An ṭangpitu tla nih an perpet asi; na ram sungah mi an nar ving rawh. Nangmah hen rem tak hen nan um mi tla nih tu chun an neh rawh. Munkhat hen tî-le-râwl an ei mi nih na rangah thang an tunh. ‘Finghnâk a nei mi zeiah a um rawh?’ a nan ti.

MIKAH 7:5

Na zâwlbâwm khawm zumh lah na le, na hâwi khawm rinhsan lah. Na nupi sinah thu na sim mi khawm a thiamthih.

MATHAI 26:23

Chun, anih nih chun, “Khêng hawng ka purhpitu tak nih a hawng ka tleihtir lai.

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.