SAM 41:2 - Bawm Common Language Bible Version

² LALPA nih a nungnâk chu a vêng hen a hum lai le, ram lakah lâwm tak hen a umtir lai le; an mêlma thiltikhonâk lakah mi chu a kaltâk na lai lo.

SAM 41:2 ပူးပေါင်းရင်းမြစ်များ

SAM 27:12

Âwkrâwl leh thihnâk hen an ka dotu ka mêlma tla sinah hawng ka mâk thlap lah.

SAM 33:19

Thihnâk lakah mi a hum na le, pâm liauah nungdam hen a kilkâwi na.

SAM 37:22

LALPA nih mal a sâwm na mi nih chun ram chu an luah lai le; khawmsele siat a barh na mi chu nar phin an si lai.

THUFING LASUIBU 11:17

Vêl na nei liauah ṭhat suahtu na si. Ṭhatlo na rawt chun nangmah nganfâk na pêk mi asi.

THUFING LASUIBU 14:21

Lâwmnâk na duh chun, mipâm tla sinah vêlnei tak hen um. A zei mi tal na zauhnawmh chun sual asi.

THUFING LASUIBU 19:17

Mipâm sinah thil na pêk mi chu LALPA rangah na lângtir mi asi le, LALPA nih a nan rulh nawlh lai.

THUFING LASUIBU 31:20

Mipâm leh mi ngâkṭah sinah a hawk.

JEREMIA 39:17

Sikhawmsele, Kei, LALPA nih ka nan hum lai le, na ṭih na mi tla kut ah pêk hen na um lai lo.

DEUTERONOMY 14:29

Hi bang ei ding tla hi Levi murui rangah asi, thil zeikhawm an tâ a umlo ruangah, ramdang mi, mi ngâkṭah, numei tla nan khua ah um mi tla rang khawm asi. An hawng lai le, an herh zia zawng hen anna ting bâk ding asi. Hi hâwi hen ti ule, LALPA nan Pathian nih mal an sâwm na lai.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

RUTH 2:19

Naomi nih a sinah, “Hi bang zawzawng hi zeiah na sar mi? Âu phâisen ah me na va ṭuan? Nangmah a nan sunhsaktu chu Pathian nih malsâwm seh,” a ti. Churawhchun, Ruth nih Boaz phâisen ah a ṭuan mi chu a simh rawh.