SAM 4:8 - Bawm Common Language Bible Version

⁸ Ka zâu liauah lungngam tak hen ka it le, LALPA, nangmah cho na si; him tak hen hawng ka kiltu chu.

SAM 4:8 ပူးပေါင်းရင်းမြစ်များ

SAM 16:11

Nungnâk lampi leikâng chu na ka zauhtir le, na hawng ka umpinâk nih lâwmnâk a khattir hen, zungzâl lâwmnâk ah hawng ka tlunh.

SAM 3:5

Ka zâu le, ka it, LALPA nih zân khuavâr hen hawng ka hum.

THUFING LASUIBU 3:24

Na it tik khawm lâunâk na nei lai lo le, zân khuadei hen ihmu thaw tak hen na it lai.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

LEVITICUS 26:5

Mîm-le-fâng cherkhet nan nei lai le, fâng nan ât liauah grep rah kawih a zâ lai, grep rah nan kawih liauah fâng tuh cham a hawng si fâwn lai. Nan duh mi zawzawng nan ei lai le, nan ram ah him tak hen nan um lai.

DEUTERONOMY 12:10

Jordan Va nan kanh tikah LALPA nih a nan luahtir na lai le, chunah chun nan va um lai rawh. Nan mêlma zawzawng lakah mi a nan hum na lai le, thlangam tak hen nan um lai.

1 THESALONIKA 5:10

kan nung khawm ah kan thih khawm ah amah hen munkhat a kan nung khonâk ding hen anih chu kan thih rûlah a thi asi.

THUPHUANG 14:13

Chun, vân thawk hen aw-hâu nih, “Hi hâwi hen rîn rawh, Lalpa rianṭuannâk ah an thi mi tla chu tu thawk hen an thaw a suak,” a ti. Thlarau nih chun, “Chu hâwi chu asi,” ti hen a sâng. Chun, “An rianṭuan hamhnâk chu an dinhtâk rawh le, an thilti nih chun a zûl na lai rawh,” a ti mi ka theih.