SAM 4:4 - Bawm Common Language Bible Version

⁴ Ṭih ruangah thir hen sualnâk bângtâk, thûk tak hen hi hi dawn, na ihkhun ah dâisip hen na it liauah,

SAM 4:4 ပူးပေါင်းရင်းမြစ်များ

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

SAM 119:161

Mi thiltikho tak tla nih an ka do le, sikhawmsele na dân chu ka zah.

SAM 17:6

Pathian, na ka sâng ruangah na sinah thla ka hawng cham. Kei leiah hawng a her le, ka thu tla ngâi rawh.

SAM 2:11

Ṭih bû hen LALPA rian chu ṭuan ule;

SAM 3:2

Ka thâwngthâng an simnâk ah chun, “Pathian nih a ṭangpi lai lo” an ti.

SAM 3:4

LALPA chu ṭangpi ding hen ka kawh le, a tlâng thenhlimh thawk hen hawng ka sâng.

SAM 33:8

Tual zawzawng tla, LALPA chu ṭih u! Laikulh mi zawzawng tla, amah chu zah u!

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 63:6

Ihkhun ah ka zâu liau khawm ka nan theih ko, zân khuadei hen ka nan dawn,

SAM 77:6

Dawnnâk thûk tak hen zân ka mang, hi hi keimah thinlung hen ka dawn mi chu asi:

THUFING LASUIBU 16:17

Lampi ṭha ah kal mi nih chun sual a kaltâk. Churuang chun a zei mi lakah na kal awt dauh a ruat set, na nungnâk a hum kho lai.

THUFING LASUIBU 16:6

Zumh tlâk leh rinh tlâk hen um le, Pathian nih na sual a ngaihdam lai. LALPA thu ngâi le, na lakah thilsual zeikhawm a tlung lai lo.

THUFING LASUIBU 3:7

Nangmah lakah na minung hen zuamlo rê hen a zûm lah. Mâwl tak hen LALPA lakah ê-aw ngâi le, thil diklo ti duh lah.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

EPHESI 4:26

Thinrun khawm ule, sual lam chu sual lah u; nan thinthawknâk chu nî nih tlâkpi lah seh.