SAM 4:2 - Bawm Common Language Bible Version

² Zei tiang me mipi tla nan hawng ka salh awt? Zei tiang me thil mangtlâklo leh diklo hi nan duh hen nan zûl awt?

SAM 4:2 ပူးပေါင်းရင်းမြစ်များ

SAM 106:20

Pathian rokualnâk chu belh eitu ramsa hen an thleng.

SAM 14:6

Thilsual titu tla nih chun mi nâu thiltum chu an nihsanh, sikhawmsele LALPA chu anmah humtu asi.

SAM 2:1

Phun tla zei rangah an hel? Zeikhawm lo hen zei rangah mi tla nih nawknâk an siam?

SAM 3:3

Sikhawmsele, nang LALPA nih chun ṭihnungkâi lakah phaw hen hawng ka hum; nehnâk na ka pêk le, râlṭhatnâk na ka pêk.

SAM 31:6

Diklo pathian tla sawnhtu chu na hua le, kei lam nih chun nangmah kan zumh.

SAM 5:6

Mi âwkrâwl tla chu na veih na le, mi perpê leh râwktu tla chu na zauhnawmh na.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 57:4

Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

SAM 58:1

Nannih lâirêltu tla, dik tak hen thu nan thlûk tâwn ma? Nannih lâirêltu tla, mi zawzawng lâi ṭha tak hen nan rêl ma?

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

SAM 63:11

Lal chu Pathian nih nehnâk a pêk ruangah â lâwm lai. Pathian sinah thutiam neitu tla chu amah an sawr lai, sikhawmsele mi âwkrâwl kâ chu phih piak asi lai.

SAM 72:2

Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

EXODUS 10:3

Churawhchun, Mosi leh Aron nih lalchem sinah, “LALPA, Hebrai tla Pathian nih, ‘Zeitiang riamruam me ka sinah na hawng a pêk ding hi na êl awt? Ka minung tla suah na, an hawng ka sawnh khonâk ding hen.

THUFING LASUIBU 1:22

“Mi â tla! Zei chan riamruam me â hen nan um kumza awt? Theihnâk thu tla nihsanh nuam ti hen zei chan riamruam me nan um awt? Na sîn awtlo nget rih ma?

THUSIMTU 8:11

Zei rangah mi nih thilsual âwlzâng tak hen an ti zia? Thilsual ti chu rêp sâwm an si lo ruangah.

THUSIMTU 9:3

Vânduainâk chu an ektê tlûnah bang ver hen a hawng tlung le, hi laikulh ah thil a hawng tlung mi chu thil diklo asi. Minung chu an dam kar vial chu an thinlung chu sualnâk leh âtnâk hen a khat le, an thi sawm.

ISAI 20:5

Sudan rinhsanhtu leh Aigupta zumhtu chu an lung a fiang lai rawh le, an lungumnâk chu a vei lai rawh.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

JEREMIA 2:11

Âu phun khawm nih a tak si lah khawmsele an pathian tla an lêt dahlo. Sikhawmsele ka mi tla nih anmah zahkâitirtu Pathian chu, an rangah zeikhawm ti piak kholotu pathian tla hen an hawng ka thleng ving.

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

HOSEA 4:7

“Nan lakah bâwlpu an tam bilik leh ka lakah nun sualtu nan tam; churuangah zah nan kâinâk chu nan rangah ningzakkâinâk ah ka siam lai.

JONA 2:8

Milem zeikhawm silo mi sawnhtu tla nih chun na sinah zumhkâinâk chu an thlâu rawh.

NUMBER 14:11

LALPA nih Mosi sinah, “Zeitiang rêmruam me, hi zapi tla nih an hawng ka nawng awt? Zeitiang rêmruam me, an lakah thilchê tam tak ka ti khawm ah an ka zumh lo awt?

THILTI 24:9

Chun, Juda tla khawm nih chun, “Chubang thu chu chu hâwi asi,” ti hen an bawppi bâk.

1 KORIN 1:31

Churuangah, Pathian lasui thu nih, “Â putso mi vial nih Lalpa putso seh,” ti hen, a sim hâwi khan.

EPHESI 4:25

Chun, âwkrâwl sim mâk hen, mah zâwlbâwm sinah thudik sim chiau u, a ṭeng tawnh chiau kan si ruangah.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.