SAM 3:3 - Bawm Common Language Bible Version

³ Sikhawmsele, nang LALPA nih chun ṭihnungkâi lakah phaw hen hawng ka hum; nehnâk na ka pêk le, râlṭhatnâk na ka pêk.

SAM 3:3 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 40:13

Ni thum nûnah lalchem nih an suah lai le, a nan ngaihdam lai le, na rianṭuannâk muntê an luahtir nawlh lai. A lânah uain pêktu na si hâwi ber hen lalchem rangah uain hâi na pêk lai.

2 Lal 18:30

LALPA lakah ngauh ding hen khawm a perpettir lah u. Asiria kawrsen nih nan khuapi a lâk ding mi lakah hin LALPA nih an hum hen an vêng kho na ding hen ruat lah u.

2 Lal 18:32

hinah nanmah ram ah mi hâwitê hen hi ram an luahtir na ding mi lakah grep tla, sang rang ding mi fâng tla, ram lakah oliv sariak, khuaitizû tla umnâk ah an umtir na lai. Thu an pêk na mi zia nan ti chun nan thi lai lo le, nan nung lai. Hezekiah nih LALPA an hum natu ding ah ruat ding hen an âttir lah na seh.

2 Lal 25:27

Babulon lal Evilmerodak a lal kum ah Juda lalchem Jehoiakin lakah a vêlneihnâk a langh hen rêngin ah mi a suah. Chu chu Jehoiakin rêngtlâknâk thawk hen kum sâwmthum leh kum sarihnâk thla leinihnâk ni kul leh ni sarih ni ah a hawng um.

SAM 110:7

Lal nih chun lampi kiangah tiva ah mi tî a din lai le, a chaktir lai le, nehtu asi lai.

SAM 119:114

Nang chu hawng ka vêngtu leh humtu na si; na thutiam lakah lungumnâk ka nei.

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 27:6

Ka kiangkam ah mêlma tla chu ka neh na lai. Lâwmnâk aw-hâu hen a Biakin thenhlimh ah bâwlnâk tla ka ap lai le; la ka sak lai le, LALPA chu ka sawr lai.

SAM 28:7

LALPA chu hawng ka kiltu leh vêngtu asi ruangah ka zumh asi. Hawng ka ṭangpi le, hawng ka lawmhtir, lawmnâk la hen amah ka sawr.

SAM 4:3

LALPA nih amah rangah a thîm mi mirep leh amah kawh liauah a hawng ka ngâi piak mi theihkumza.

SAM 62:7

Ka ruangsuahnâk leh zah ka kâinâk chu Pathian lakah mi asi; amah chu hawng ka humtu chak tak asi le; ka dawrnâk asi.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

ISAI 45:25

Kei, LALPA nih, Jakob thlâk tla zawzawng ruang ka suah na lai le, annih nih an ka sawr lai.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

THUPHUANG 21:11

A chêu zia chu lungmantam, jaspar lung hâwi hi asi, kristal lung hâwi hen a lek.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.