SAM 27:9 - Bawm Common Language Bible Version

⁹ ka hawng lai, ka lakah mi a thup lah!” ti hen, ka sâng. Ka lakah na thinrun lah; na to-aw hi hertâk lah. Nang hawng ka ṭangpitu na si; hawng ka mâk lah le, hawng ka kaltâk lah, Ka Pathian, ka Ruangsuahtu.

SAM 27:9 ပူးပေါင်းရင်းမြစ်များ

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

SAM 102:2

Lawksawng hen ka um liauah hawng ka hertâk lah! Hawng ka ngâi le, ka nan kawh tikah khulrang hen hawng ka sâng!

SAM 102:3

Ka nungnâk chu meikhû hâwi hen a vei le; ka taksa hi mei hâwi hen a kâng.

SAM 119:121

Adik leh a ṭha mi chu ka ti le; ka mêlma lakah mi hawng ka kaltâk lah.

SAM 13:1

LALPA, zei chan riamruam me na ka philh awt? Zungzâl hen ma? Zeitiang riamruam me ka lakah mi na thup awt?

SAM 143:7

LALPA, tuah hawng ka sâng! Ka lung a dawng. Ka lakah mi a thup lah, chu hâwi asi lo chun, laikulh mithi le tla sinah kal mi hâwi kasi lai.

SAM 24:5

LALPA nih mal a sâwm na hen, a hum na lai; Pathian nih sual nei lo hen a ruat na lai.

SAM 44:24

Kan lakah mi zeirang na thup? Kan lawksawngnâk leh tuarnâk hi philh lah!

SAM 51:11

Na lakah mi chu hawng ka lawnh lah le; ka sin thawk hen na thlarau thenhlimh lâk ving lah.

SAM 69:17

Na to-aw lakah hin a thup lah le; lawksawngnâk fâk tak ah ka um, tuah hawng ka sâng!

SAM 69:18

Ka sinah hawng le, ka mêlma lakah mi ruang hawng ka suah le, hawng ka hum.

SAM 88:1

LALPA Pathian, ka ruangsuahtu, nî tlâk hen ka âu le, zân ah na mâika ah ka hawng.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 59:2

Nanmah sual ruangah an ngâi piak duh na lo mi asi. Sawnh ding nan awt liauah Pathian lakah mi an ṭhen natu chu nan sualnâk asi.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.