SAM 27:4 - Bawm Common Language Bible Version

⁴ LALPA chu thil pakhat ka deih le; thil pakhat ka duhtak mi chu: ka damsung zawzawng a in ah um kumza ding hen, a ṭhatnâk chu chê ti kumza ding hen leh amah ruinâk deih kumza ding hen.

SAM 27:4 ပူးပေါင်းရင်းမြစ်များ

2 SAMUEL 21:1

David a lal liauah pâm fâk tak kum thum kar chu an tuar. Churuangah David nih LALPA a râwn, churawhchun LALPA nih, “Saul leh a dâwngsung tla chu mi thah hen an sual, Gibeon mipi tla khawm a thah.

SAM 23:6

Ka dam kar zawzawng chu na ṭhatnâk leh dâwtnâk ka lakah a um lai ti ka theih; na in chu ka san tlum hen ka in asi lai.

SAM 26:6

Ka sual lo ti theihnâk ah ka kut ka ṭâwl le, a nan sawnh ding hen na mâichâm kiangah ka kal.

SAM 26:8

LALPA, na umnâk in chu ka ngâisung, na rokualnâk umnâk mun khawm.

SAM 27:8

“Hawng le, hawng ka sawnh” na ti. Kei nih, “LALPA,

SAM 50:2

Zion khuapi rangtling leh dawh thawk hen Pathian chêu nih a cherh.

SAM 65:4

Nangnih na thîm na mi tla, na mun thenhlimh ah um ding hen na hawngpi na mi chu an lâwptlo. Na in ah mi thil ṭha leh na Biakin thenhlimh ah malsâwmnâk hen kan khim lai.

SAM 84:10

Na Biakin ah ni khat mang hi mun dangah ni sângkhat mang ngâk hen a ṭha dauh. Mi ṭhalo in ah um ngâk hen ka Pathian in kawtkâ ah ka dîr dauh lai.

SAM 84:4

Na Biakin ah um mi tla chu anna lâwm a! Nangmah sawr hen la an sak kumza.

SAM 90:17

LALPA, kan Pathian, kan lakah na malsâwmnâk tlungtir le, kan thilti zawzawngah dingchangnâk hawng kan pêk.

JEREMIA 29:13

Nan thinlung zawzawng hen nan hawng ka hâwl ruangah nan ka hâwl tik chun nan ka tawng lai.

DANIAL 9:3

Buh ngei hen salâpuan aih hen, vachâm lakah ka to le, LALPA Pathian sinah ṭhanem semsê ngâi tak a ngiar bû hen thla ka cham.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

LUK 10:42

thil pakhat cho a herh; Mari nih tingvo ṭha chu a thîm le, chu chu lâk piak ding asi loh,” a ti le, a sâng.

LUK 13:24

“Kawtkâ bî ah chun lût tum râm u; ka nan simh na, mi tam tak nih lût an tum lai le, an lût kho lai loh.

LUK 18:1

Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

LUK 2:37

chun, chu nûnah kum sâwmriat leh kum li asi tiang â mei. Anih nih chun Pathian Biakin kaltâk lo hen a sûn a zân a buh ngei leh thlacham hen Pathian a sawnh tâwn.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

PHILIPI 3:13

Unau le tla, tleih hen ka ruat lo. Sikhawmsele, hi thil pakhat hi ka ti tâwn-- dung leiah thil um tla chu philh hen, mâi leiah thil um tla chu ti hen,

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.

HEBRAI 11:6

Sikhawmsele, lungnâk lo hen âukhawm nih Pathian lawmhtir kho asi loh. Pathian sinah a hawng kal mi nih chun Pathian chu a um ti leh amah hâwltu tla sinah lâwmman pêk mang asi ti lung ding asi.

1 SAMUEL 1:11

Hanah nih thutiamnâk bir tak hen a siam, “LALPA, zeizawng tikho, na to-aw hi hawng ka zauhnik, ka lawksawng zia hi hawng ka zauh le, theihkumza, hawng ka philh rîlmâl lah! Fapa na ka pêk chun a dam sung zawzawng na sinah pêk ding hen leh a sam mêt lo thlo ding hen thu ka tiam,” a ti.

1 SAMUEL 22:10

Ahimelek nih David chu zei a ti lai ti hen LALPA a ngiar piak le, churawhchun David rangah buh a pêk le, Philistia mi Goliath nâmsâu khawm a pêk,” a ti.

1 SAMUEL 30:8

David nih LALPA sinah, “Rûntu tla chu ka ṭhâwl na hen ka tleih na lai ma?” a ti. LALPA nih a sâng le, “Ṭhâwl na le; na tleih na lai le, an tleih mi khawm suh hep na,” a ti.