SAM 24:3 - Bawm Common Language Bible Version

³ LALPA tlâng ah âu a kâi kho lai? A Biakin Thenhlimh ah âu a lût kho?

SAM 24:3 ပူးပေါင်းရင်းမြစ်များ

1 CHRONICLES 15:1

Amah rangah mang ding hen David nih amah khuapi ah in tla a sak. Pathian Thudântuk Bâwm rangah mun tla a timhtuah le, puanin tla a siam.

SAM 15:1

LALPA, na Biakin ah âu me lût kho lai? Na tlâng thenhlimh Zion ah âunih an sawnh kho lai?

SAM 2:6

“Ka tlâng thenhlimh Zion ah, ka lal chu ka toh rawh,” a ti.

SAM 65:4

Nangnih na thîm na mi tla, na mun thenhlimh ah um ding hen na hawngpi na mi chu an lâwptlo. Na in ah mi thil ṭha leh na Biakin thenhlimh ah malsâwmnâk hen kan khim lai.

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

EZEKIEL 44:5

Tual ah ka bawkbukhup le, LALPA nih ka sinah, “Thikho mi minung, thil zeizawng na muh leh na theih mi lakah ngâi set. Biakin dân leh ti ding mi dân ka nan simh awt. Zeitin mi minung tla me Biakin ah lût hen suak siang ding mi leh siang lo ding mi tla thiamthih tak hen singsiah.

EZEKIEL 44:9

“Ramdang minung fêmtanlo, hawng ka lunglotu tla, Israel lakah ramdang minung um mi tla pakhat khawm ka Biakin ah an lût ding asi lo, ti kei LALPA nih ka phuang asi,” a ti.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

MALAKI 3:1

LALPA Zeizawng tikho nih a sâng le, “Ka rangah lampi hawng ka siam piak ding hen ka fial awt. LALPA hawng ding hen nan lungum mi chu Biakin ah a hawng sawm lai. Mifial muh ding nan duh mi chu a hawng lai le, ka thudântuk a phuang lai,” a ti.

JOHAN 13:36

Simon Peter nih a sinah, “Lalpa, a zeiah na kal awt?” a ti. Jisu nih, “Ka kalnâk ding ah, tu ah na hawng ka zûl kho lai loh; hi nûn lam chun na hawng ka zûl lai,” a ti le, a sâng.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;