SAM 17:3 - Bawm Common Language Bible Version

³ Ka thinlung na theih le; zân ah na ka veh. Na hawng ka zauh ver le, ka lakah sual duhnâk ka nei lo zia na muh.

SAM 17:3 ပူးပေါင်းရင်းမြစ်များ

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

JOB LASUIBU 23:10

Sikhawmsele, Pathian nih kê ka kâr mi kip hi a theih. Hawng ka nik khawmsele, thenhlimh tak hen hawng ka muh lai.

JOB LASUIBU 24:14

Khuadei bâiah mi thahtu chu a thawk le, mipâm thah ding hen a suak le, zân ah chun mi thil a fîr.

SAM 11:5

Misual leh miṭha chu a nik vevê na le, dân nei lo mi chu a thinlung zawzawng hen a hua na.

SAM 119:106

Ka thutiam chu na sîntirnâk rep zûl ding hen ka kil thlir lai.

SAM 139:1

LALPA, na ka nik le, na hawng ka theih rawh.

SAM 139:23

Pathian, hawng ka zauhfiang le, ka thinlung hi theih; hawng ka nik le, ka dawn mi tla hi theih rawh.

SAM 16:7

Hawng ka ruai ruangah LALPA chu ka sawr le; zân ah chun ka siatṭhat theihnâk nih hawng ka theihtir.

SAM 26:2

LALPA, ka duhnâk leh ka dawn mi tla hi hawng zauh dik le, nik hen lâirêl.

SAM 39:1

“Ka thilti lakah ka thiamthih lai le, ka lei nih thilsual hawng ka titir lai loh; misual tla nih an ka naih liauah zei thu khawm ka sim awtlo,” ka ti.

SAM 66:10

Pathian, nik ding hen na kan siah le; mei hen tangkasa an êr mi hâwi hen na kan nik.

THUFING LASUIBU 13:3

Na thusim ah a thiamthih le, na nungnâk hum rawh. Nabeibâng hen hawlhtu chu amah râwknâk a siam.

JEREMIA 12:3

Sikhawmsele; LALPA, ka thilti leh ka nan dâwt zia chu na theih hen na ka muh. Dawrâ thah ding hen an ruai mi hâwi hen hi misual tla hi nûk na le; thah ding tik a tlung tiang hen vêng rêt na.

JEREMIA 50:20

Chu tik chu a hawng tlung chun Israel lakah leh Juda lakah sualnâk leh ṭhatlonâk muh asi lai lo rawh, an nungnâk ka zuah na mi tla chu ka ngaihdam na awt ruangah. Kei, LALPA nih ka sim asi,” a ti.

HOSEA 7:6

Asi, an thinlung ruatnâk hen lungthû kâ mi mei hâwi hen an duah na. Zân khuadei hen an thinthawknâk chu mei a muat mi hâwi hen zînglei ah chun a hawng alh.

MIKAH 2:1

It lo hen an zâu mi leh thilsual ti tumtu tla rangah chun ṭihnung a kâi a! Zînglei asi rawh chun, tik remchâng an tawng kâ hen an tum hâwi hen thilsual an ti.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MALAKI 3:2

Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

THILTI 16:9

Chun, zân ah Pawl nih muhtirnâk a muh; Makedonia ram ah minung pakhat dîr hen, “Makedonia ram ah hawng kâi le, hawng kan bawmh rawh,” ti hen, ngiar chiam hen a muh.

1 KORIN 4:4

Zeikhawm simsâwinâk ka theih lo; sikhawmsele, chu nih chun hawng ka mawhtir lêm lo; hawng ka niktu chu Lalpa asi dauh.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

JEM 3:2

Kan ektê hen kan sual tâwn. Mi, a thusim ah palh dahlo mi chu mi rangtling asi, a taksa pum khawm vêng kho mi asi.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 SAMUEL 24:10

Nangmah ngelchel nih pûk ah na um liauah LALPA nih ka kut ah a nan pêk mi na muh asi. Ka mi tla nih nangmah thah ding hen an hawng ka fawrh le, sikhawmsele ka nan zângfah le, LALPA nih lalchem ah a nan ruat mi asi ruangah tâwmtê khawm nganfâk ka pêk awtlo ka ti.

1 SAMUEL 24:12

Kan lakah a diklo dauh mi chu kan tlûnah LALPA nih lâirêl seh. Nang khawm tâwmtê khawm nganfâk kan pêk lo mi lakah na ka râl ruangah LALPA nih an rêp bâk seh.

1 SAMUEL 26:11

LALPA nih a lalchem thîm nganfâk pêk lo ding hen hawng ka khap asi. A tî dûr leh a fei kha kan lâk lai le, kan kal ko lai,” a ti.

1 SAMUEL 26:23

LALPA nih chun mirep leh mi zumhkâi tla rangah lâwmman a pêk na, tusûn ah ka kut ah a nan pêk le, sikhawmsele, LALPA nih lalchem ah a nan siam mi chu riam kan banh duh loh.