SAM 15:2 - Bawm Common Language Bible Version

² Thil zeizawng ah Pathian ê-aw ngâitu leh thil dik ti kumzatu, Thudik simtu, mi zumhkâi,

SAM 15:2 ပူးပေါင်းရင်းမြစ်များ

SAM 24:4

A thilti leh a dawnruatnâk thenhlimh mi, ruk mâimâk lotu leh âwkrâwl hen thutiamh mang lo mi chu;

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

THUFING LASUIBU 20:7

Pa zumhkâi thil dik titu fa tla chu an vân a ṭha.

THUFING LASUIBU 28:18

Zumhkâi tak hen um le, na him lai. Zumhkâi tak hen na um lo chun, na tlû sawm lai.

ISAI 33:15

Thu dik na sim hen thil dik na ti chun na him lai. Mipâm perpetnâk ah na thiltikhonâk mang lah le, nawhnâk lâk lah. Mi thah tumtu mawh thilsual ding ti tumtu tla sinah a bawp lah.

ISAI 63:8

LALPA nih, “Ka mi le an si; an ka perpet lai lo,” a ti. Churuangah an tuarnâk zawzawng lakah mi ruang a suah na.

MIKAH 2:7

Israel mi tla hi siatbarh mi hen ma na ruat? Pathian nih sûmnâk a nei lo rawh mazei? Chubang hâwi thil chu a ti tak awt mazei? Thil dik titu tla sinah vêlnei tak hen thu a sim lo ma?” an ti.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

THILTI 10:35

sikhawmsele, phunkip lakah âuzawng amah ṭih hen rep tak a ti mi vial a lawmh kâng an si tâwn.

ROM 2:10

Sikhawmsele, thil ṭha titu vial sinah chun rokualnâk tla, chawnglawmhnâk tla, lungngamnâk tla Pathian nih a pêk na lai le, Juda tla sinah pêk asi masa lai le, chun Phundang tla sinah khawm pêk asi lai.

GALATIA 2:14

Sikhawmsele, Thâwngthâng Ṭha thudik hâwi hen anna rep lo tih ka theih hen Peter sinah an ektê mâika ah, “Nang, Juda mi si hen, Juda tla hâwi a um lo hen Phundang tla um hâwi hen na um dauh chun zeitin zia hen Phundang tla Juda tla hâwi hen na umtir râm na zia?” ka ti.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 4:25

Chun, âwkrâwl sim mâk hen, mah zâwlbâwm sinah thudik sim chiau u, a ṭeng tawnh chiau kan si ruangah.

KOLOSA 3:9

minung thar hen nanna thuam rawh dangâiah,

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.